Yoanne 20:13 - Baibuli Ekibono kya Katonda 2014

¹³ Baamukoba bati: “Mukazi iwe, olirira ki?” Yaabairamu ati: “Batoiremu Musengwa wange era tiidhi ghe bamutaire.”

Yoanne 20:13 ပူးပေါင်းရင်းမြစ်များ

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Yeremia 31:16

Aye nze Musengwa Katonda nkoba nti lekera agho okulira, weeyeye amaziga mu maiso. Byonabyona bye wakolera abaana bo biidha kukusasulwamu empeera, kuba baliira okuva mu nsi ey'abazigu.

Luka 24:17

Yaababuuza ati: “Bibono ki ebyo bye muli kwogeraku nga mutambula?” Baayemerera nga badhuunie.

Yoanne 19:26

Yesu bwe yabona inhina n'Omwegeresebwa omugonzi nga ayemereire kumpi agho, yaakoba inhina ati: “Mukazi iwe, mutabane wo wuuyo.”

Yoanne 2:4

Yesu yaamwiramu ati: “Mukazi iwe, ombeereire ki? Ekiseera kyange kikaali kutuuka.”

Yoanne 20:15

Yesu yaamubuuza ati: “Mukazi iwe, olirira ki? Naani y'oli kwagala?” Maria yaamudhuubiriza okuba omukuumi w'omu nimiro eyo, kale yaamukoba ati: “Isebo, oba nga niiwe omutoiremu nkobera gh'omutaire, ndidha kumutoolagho.”

Yoanne 20:2

Kale, yaalumuka yaaja ye Simoni Petero n'ole Omwegeresebwa Yesu ye yagonzanga, yaabakobera ati: “Batoire Musengwa mu magombe era titwidhi ghe bamutaire!”

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

1 Samueli 1:8

Agho Elukana, iba, yaamubuuza ati: “Hanna, lwaki oliranga otyo, n'oloba n'okulya emere? Lwaki onakughala okwaga agho? Nze tikusingira baana balenzi ikumi?”