Yoanne 2:24 - Baibuli Ekibono kya Katonda 2014

²⁴ Aye Yesu nga tabeeyalizaamu, kuba boonaboona yali abaidhi.

Yoanne 2:24 ပူးပေါင်းရင်းမြစ်များ

1 Bakyabazinga 8:39

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Mariko 2:8

Mangu ago nga Yesu mule munda amaze okutegeera bye balowooza, yaabakoba ati: “Lwaki mulowooza mutyo mu myoyo gyaimwe?

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Yoanne 16:30

Mperaano twidhi nga oidhi byonabyona era tikyetaagisa muntu yeenayeena kukubuuza. Kyetuva twikiriza nga ova wa Katonda.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Yoanne 4:16

Yesu yaamukoba ati: “Ja oyete balo oidhe naye.”

Yoanne 5:42

aye ndidhi nga muzira kugonza kwa Katonda mu imwe.

Yoanne 6:15

Yesu yaamanha ati baali bali kumpi okumugema bya ntaka bamufuule Kyabazinga. Yaavaagho kabiri yaaja eyo mu nsozi yenka.

Yoanne 6:64

Aye abandi ku imwe timwikiriza.” Kuba okuviira irala mu kwinhama Yesu yali aidhi abaali tibaikiriza, n'eyali aja okumulyamu olukwe.

Ebikolwa by'Abatume 1:24

Agho baasaba bati: “Musengwa, oidhi ebiri mu myoyo egy'abantu boonaboona, ku bano bombi tulage y'olonze,

Ebikolwa by'Abatume 15:8

Katonda aidhi ebiri mu myoyo gy'abantu, yakakasa ekyo yaabagha Mwoyo Mutukuvu nga twena bwe yamutugha.

Amateeka Agokubiri 31:21

Ekiseera bwekirituuka, ebizibu n'okudaazibwadaazibwa okungi ni bibaidhira, olwembo luno lwidha kwembebwanga lube omudhulizi abalumiriza, kuba ni baidhukulu baimwe tibalirwerabira naire. Ni mpegaano, nga nkaali kubatwala mu nsi ye nasuubiza okubagha, ndidhi bukalamu kye bali kudhuuba okukola.”

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”