Yoanne 2:23 - Baibuli Ekibono kya Katonda 2014

²³ Yesu bwe yali mu Yerusalemu, mu nnaku edh'Ekibinuko eky'Okubitizibwa abantu kamaala baamwikiriza bwe baabona ebyewuunhio bye yakolanga.

Yoanne 2:23 ပူးပေါင်းရင်းမြစ်များ

Luka 8:13

Ate eyagwa ku lubaale, n'abantu abawulira ekibono kya Katonda ni bakisangaalira n'eisanhu aye nga bazira mizi baikirizaaku kaseera buseera, aye akaseera ak'okulebwa bwe katuuka nga babivaaku.

Yoanne 11:45

Bangi ku Bayudaaya abaali baidhie ewa Maria, bwe baabona Yesu bye yakola baamwikiriza.

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 2:13

Ekibinuko eky'Okubitizibwa eky'Abayudaaya nga kiri kumpi okutuuka, Yesu yaaniinaniina e Yerusalemu.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 4:45

Bwe yatuuka e Galilaaya, ab'e Galilaaya baamusangaalira engeri ye baali baboine bye yakolera e Yerusalemu ku Kibinuko eky'Okubitizibwa, kuba boona baaliyo ku kibinuko ekyo.

Yoanne 5:36

“Aye nze ndi n'obudhulizi obusinga n'obwa Yoanne bw'agha kuba ebintu bye nkola, Lata n'eyabimpa okubikola era bindhulira nga Lata n'eyantuma.

Yoanne 6:14

Abantu bwe baabona akamanhiso ako Yesu ke yakola, baakoba bati: “Bwenebwene ono n'omulanzi Ole ow'okwidha mu nsi!”

Yoanne 6:2

Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 7:31

Abantu kamaala mu baali agho baamwikiriza baakoba bati: “Kurisito bw'aliidha, alikola ebyewuunhio kamaala okusinga omusaadha ono by'akoze?”

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

1 Yoanne 3:23

Ekiragiro kye ni kino: Okwikiriza Eriina ly'Omwana we Yesu Kurisito era n'okugonzania nga bwe yatulagira.