Yoanne 2:18 - Baibuli Ekibono kya Katonda 2014

¹⁸ Agho Abayudaaya baamukoba bati: “Kamanhiso ki k'osobola okukola okutumanhisa ng'oli n'obukumu obukola bino?”

Yoanne 2:18 ပူးပေါင်းရင်းမြစ်များ

1 Bakyabazinga 13:3

Era omulanzi oyo yaagha akamanhiso ku lunaku olwo, ati: “Kino kw'onaamanhira nga Musengwa Katonda n'ayogeire: alutaari eno eidha kumenhekagho, eivu erigiriku liyuyike.”

Okuvaayo 7:9

ati: “Kyabazinga bw'alibakoba ati, ‘Okukakasa kye mukoba mukoleyo ekyewuunhio,’ olikoba Aaroni oti, ‘Toola omwigo gwo ogusuule ghansi agho mu maiso ga kyabazinga gufuuke omusota.’ ”

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Mariko 8:11

Agho ghaidhagho Abafarisaayo, okutakana ni Yesu, baamuleba, nga bamwendaku akamanhiso okuva mu igulu.

Luka 11:29

Agho abantu kamaala bwe baaja nga beesololeza aghali Yesu, yaatoolera okwogera ye bali ng'akoba ati: “Abantu ab'oluse luno bantu babi benda akamanhiso aye ezira kamanhiso kaja kubagheebwa okutoolaku aka Yona.

Yoanne 1:19

Yoanne ati bwe yakakasa Abayudaaya, bwe baatuma Bakabona n'Abalevi okuva e Yerusalemu okumubuuza bati: “Niiwe ani?”

Yoanne 1:25

Agho ni baamukoba bati: “Oba nga ti niiwe Kurisito, oba Eliya, oba Omulanzi ole, memale lwaki obatiza?”

Yoanne 6:30

Baamukoba bati: “Kamanhiso ki k'onaakola tubone era tukwikirize? Oja kukola ki?

Ebikolwa by'Abatume 4:7

Bwe baamala okubeemereza ghagati, baababuuza bati: “Maani g'ani ge mukozesa, era naani eyabagha okukola ekyo?”

Ebikolwa by'Abatume 5:28

“Twabasikirira obuteegeresa bibono bya musaadha oyo, aye mperaano mubone kye mukoze! Mwegereisa mu Yerusalemu mwonamwona era mwenda na kututaaku musango gwa kwita musaadha oyo.”