Yoanne 2:16 - Baibuli Ekibono kya Katonda 2014

¹⁶ Yaalagira abaali bali kutunda enjiibwa ati: “Bino mubitoole ghano. Era mulekere okufuula endhu ya Lata wange ekiya!”

Yoanne 2:16 ပူးပေါင်းရင်းမြစ်များ

Yeremia 7:11

Obwo mulowooza muti eisinzizo lino eryange lyene lifuuse mpuku ya banhazi? Bona eno, nze mwene mboine bye muli kukola.

Matayo 21:12

Agho Yesu yangira mu isinzizo lya Katonda, yaabingamu boonaboona abaali batundira n'abaali bagulira mu isinzizo. Yaafundika emeeza edh'abaali bafaana empiiya, n'ebityamo eby'abaali batunda enjiibwa.

Matayo 21:13

Era yaabakoba ati: “Kyaghandiikibwa kiti, ‘Endhu yange enaayetebwanga ndhu ya kusabiramu,’ aye imwe mugifiire mpuku ya banhazi!”

Matayo 22:5

Aye era tibaafaayo beetambulira ku dhaibwe, omulala yaaja ku bya kibandha kye, owundi yaaja mu bya kutunda.

Mariko 11:17

Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”

Luka 2:49

Aye yaabakoba ati: “Mubaire mundhagalira ki? Mubaire timwidhi nga nteekwa okuba ku gwa Lata wange?”

Yoanne 10:29

Lata wange eyadhimpa n'asinga byonabyona, era ghazira asobola kudhimuswankulaku.

Yoanne 2:15

Yaatoola obugugha yaabukolamu akaswanhu, yaababingamu boonaboona n'entaama n'ente, era yaafundika emeeza edh'abaali bafaana empiiya, n'empiiya dhaibwe yaadhisansa.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Yoanne 5:17

Aye Yesu yaabakoba ati: “Lata wange akaakola, era zeena nkola.”

Yoanne 8:49

Yesu yaabairamu ati: “Nziraku muzimu mubi. Lata wange mmutaamu ekinhagansi aye imwe mumudhuuluusa.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.