Yoanne 2:14 - Baibuli Ekibono kya Katonda 2014

¹⁴ Bwe yatuuka mu isinzizo yaayagaanamu abali kutunda ente, entaama n'enjiibwa, n'abafaana empiiya nga batyaime agho bali ku gwaibwe.

Yoanne 2:14 ပူးပေါင်းရင်းမြစ်များ

Ezekieli 36:38

Ebibuga ebyayonoonebwa biriidhula abantu, ng'oti ni Yerusalemu bwe kyaidhulanga entaama edh'okughaayo ng'emisengo ku mbaga edh'ebibinuko ebyalagirwa. Olwo balimanha nga ninze Musengwa Katonda.”

Mariko 11:15

Agho baatuuka e Yerusalemu. Bwe yangira mu isinzizo yaatoolera okubingamu abaali batundira n'abaali bagulira mu isinzizo. Yaafundika emeeza edh'abafaanisa empiiya n'ebityamo by'abo abaali batana enjiibwa.

Mariko 11:17

Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”

Yoanne 2:15

Yaatoola obugugha yaabukolamu akaswanhu, yaababingamu boonaboona n'entaama n'ente, era yaafundika emeeza edh'abaali bafaana empiiya, n'empiiya dhaibwe yaadhisansa.