Yoanne 2:11 - Baibuli Ekibono kya Katonda 2014

¹¹ Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 2:11 ပူးပေါင်းရင်းမြစ်များ

1 Bakyabazinga 17:24

Agho omukazi yaakoba Eliya ati: “Mpegaano mmanhiire irala ng'oli muntu wa Katonda, era nga bwenebwene Musengwa Katonda ky'ayogera ng'abita mu iwe kiba kya mazima.”

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 96:3

Mumanhise ensi dhoonadhoona nga bw'ali ow'ekitiisa, abantu boonaboona bamanhe nga bw'akola eby'amaani.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Okuvaayo 4:9

Bwe batalikwikiriza oba okukuwulirisa waire ng'omaze okukola obumanhiso obwo bwombi, olisena amaadhi mu mwiga Kiyira waagafuka ghansi ku itaka eikalu. Amaadhi ago galifuuka musaayi ku itaka eryo eikalu.”

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Yoanne 1:43

Ku lunaku olwairirira Yesu yaasalagho okuja e Galilaaya. Yaayagaana Filipo yaamukoba ati: “Nnonereza.”

Yoanne 1:50

Yesu yaamukoba ati: “Olw'okuba nkukobeire nti nkuboine mu muti omutiini n'okwikiriza? Oidha kubona n'ebisinga kino.”

Yoanne 10:41

Abantu kamaala baidha y'ali era baakoba bati: “Yoanne tiyakola kyewuunhio kyonakyona aye byonabyona bye yakoba ku musaadha ono byali bituufu.”

Yoanne 11:15

Aye ku lwaimwe nsangaire okuba nti tyaliyo, kibasobozese okwikiriza. Aye mukole tuje y'ali.”

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 12:18

Kale eikuukuubira ery'abantu lyaidha okumusangaaza, kuba baawulira nga yakola akamanhiso ako.

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 12:41

Isaia yakoba ebyo lwa kuba yabona ekitiisa kye era yaamwogeraku.

Yoanne 14:13

Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana.

Yoanne 16:27

Lata mwene abagonza, kuba mwangonza era mwaikiriza nga nva wa Katonda.

Yoanne 16:30

Mperaano twidhi nga oidhi byonabyona era tikyetaagisa muntu yeenayeena kukubuuza. Kyetuva twikiriza nga ova wa Katonda.”

Yoanne 2:1

Ku lunaku olwokusatu yaabaayo embaga ey'abagole mu kibuga Kana eky'e Galilaaya. Inhina Yesu yaliyo.

Yoanne 2:23

Yesu bwe yali mu Yerusalemu, mu nnaku edh'Ekibinuko eky'Okubitizibwa abantu kamaala baamwikiriza bwe baabona ebyewuunhio bye yakolanga.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 4:3

Bwe yakimanha yaava mu Buyudaaya yairayo e Galilaaya.

Yoanne 4:46

Agho yaatuuka e Kana mu Galilaaya, ye yafuulira amaadhi omwenge ogw'emizabbibu. Ghaaligho omwami eyali ni mutabane we nga mulwaire inho e Kaperinaumu.

Yoanne 4:54

Kano n'akaali akamanhiso akokubiri Yesu ke yakola mu Galilaaya ng'amaze okuva mu Buyudaaya.

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 6:14

Abantu bwe baabona akamanhiso ako Yesu ke yakola, baakoba bati: “Bwenebwene ono n'omulanzi Ole ow'okwidha mu nsi!”

Yoanne 6:2

Eikuukuubira ly'abantu lyamunonereza kuba baali bamaze okubona obumanhiso bwe yakola ku balwaire.

Yoanne 6:26

Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Yoanne 6:30

Baamukoba bati: “Kamanhiso ki k'onaakola tubone era tukwikirize? Oja kukola ki?

Yoanne 7:31

Abantu kamaala mu baali agho baamwikiriza baakoba bati: “Kurisito bw'aliidha, alikola ebyewuunhio kamaala okusinga omusaadha ono by'akoze?”

Yoanne 9:16

Abafarisaayo abandi baakoba bati: “Omusaadha oyo ti wa Katonda, kuba tagondera mateeka ga Sabbato.” Aye abandi baakoba bati: “Omuntu omukozi ow'ebibi aghanga atya okukola ebyewuunhio oti ni bino?”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Amateeka Agokubiri 5:24

Mwakoba muti, ‘Musengwa Katonda waife atwoleike ekitiisa kye n'obukulu bwe. Tuwuliire amamiro ge nga gaviira mu muliro ghagati. Olwaleero tuboine nga Katonda ayogera n'omuntu, aye omuntu yaasigala ng'akaali mulamu.

1 Yoanne 5:13

Mbaghandiikira ebintu bino, imwe abaikiriza mu liina ly'Omwana wa Katonda, mumanhe nga muli n'obulamu obutawaagho.