Yoanne 19:7 - Baibuli Ekibono kya Katonda 2014

⁷ Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

Yoanne 19:7 ပူးပေါင်းရင်းမြစ်များ

Isaia 53:4

Bwenebwene yatwala obughafu bwaife, yeetwika enaku yaife. Aye ife twalowooza tuti okukubibwa n'okufumitibwa n'okudaazibwadaazibwa kwe kyali kibonerezo Katonda kye yamusindikira.

Abalevi 24:16

Omuisiraeli yeenayeena oba omusenze anaavumanga eriina lya Musengwa Katonda, abantu boonaboona bamukubanga amabaale yaafa.

Mariko 15:39

Agho omukulu ow'ekikunsu eky'abaisirukale eyali ayemereire agho mu maiso bwe yabona nga bw'aisiiza omuuka ogusembayo, yaakoba ati: “Bwenebwene omuntu ono abaire Mwana wa Katonda!”

Yoanne 19:8

Pilato bwe yawulira ekibono ekyo yeeyongeraku okutya.

Yoanne 5:18

Ekyo Abayudaaya kyabongeramu okwenda okumwita, kuba tiyakoma ku kya kumenha iteeka lya Sabbato kyonka, aye yataaku n'eky'okweta Katonda lata we; nga mu kino yeefuula okuba ng'ayagayaga ni Katonda.

Ebikolwa by'Abatume 18:13

Baakoba bati: “Omusaadha ono, aikirizisa abantu okusinza Katonda mu nsambo emenha amateeka.”

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Amateeka Agokubiri 18:20

Aye omulanzi aneetulinkirizanga n'ayogera mu liina lyange ebibono bye ntamulagiire, oba n'ayogera mu liina lya bakatonda abandi, aidha kwitibwanga bwitibwe.’