Yoanne 19:5 - Baibuli Ekibono kya Katonda 2014

⁵ Kale Yesu yaafuluma ku luya ng'avaire engule ey'amawa n'ekivaalo eky'erangi ya nakasooma eky'abakungu. Pilato yaabakoba ati: “Omuntu wuuno!”

Yoanne 19:5 ပူးပေါင်းရင်းမြစ်များ

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Matayo 27:29

Baaluka engule ey'amawa baagimuta ku mutwe, baamugemya n'olugada mu mukono omusaadha. Agho ni baakuba amakiryaivu mu maiso ge baamukiina nga bakoba bati: “Ghangaala Kyabazinga ow'Abayudaaya!”

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 19:2

Abaisirukale baatoola amawa baagalukamu engule baagamuvaaza ku mutwe era baamuvaaza ekivaalo kya langi ya nakasooma eky'abakungu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.