Yoanne 19:30 - Baibuli Ekibono kya Katonda 2014

³⁰ Yesu bwe yamala okugheebwa omwenge ogw'emizabbibu ogwo yaakoba ati: “Biwoire.” Yaakoteka omutwe yaaghaayo omwoyo gwe.

Yoanne 19:30 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 53:12

Kye ndiva ni mmugha omugabo aghalala n'abakologho, yaagabana omunhago aghalala n'ab'amaani; kuba yaaghaayo obulamu bwe yaitibwa, yaabalirwa mu bamenhi ab'amateeka. Aye ate yaaba nga yeetwika ebibi eby'abantu kamaala, era yaabasabira ekisonigho.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Matayo 27:50

Yesu kabiri yaaleekaana mu iroboozi ery'amaani, era bwe yamala yaisa omuuka ogwasembayo.

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Mariko 15:37

Aye Yesu yaayasiikana mu iroboozi ery'amaani era yaisa omuuka ogusembayo.

Luka 22:37

Ka mbakobere kiri n'okutuukirira ku nze ekyaghandiikibwa kiti, ‘Yabalirwa mu bamenhi ab'amateeka’ kuba ebyo ebingemaku biri n'enkomerero yaabyo.”

Luka 23:46

Yesu yaaleekaana ati: “Lata, nta omwoyo gwange mu ngalo dho!” Bwe yamala okwogera atyo yaisa omuuka ogusembayo.

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 10:18

Ezira abuntoolaku, ninze mwene mbughaayo ku lwange. Ndi n'obukumu okubughaayo ate kabiri naaba n'obukumu okubweiriza. Ekyo Lata n'eyandagira okukikola.”

Yoanne 17:4

Ndholeike ekitiisa kyo mu nsi era mmaze okukola ekyo kye wampa okukola.

Yoanne 19:28

Ebyo bwe byawa, Yesu ng'akiidhi bukalamu ng'ebintu byonabyona biwoire, era olw'okwenda okutuukiriza Ebyaghandiikibwa yaakoba ati: “Mpulira endiwo.”

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Ab'e Roma 10:4

Kuba Kurisito n'eyadibya Amateeka, olwo kiisi aikiriza aghange okuba omutuukirivu.

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

1 Ab'e Korintho 5:7

Mwetoolemu ekizimbulukusa ekikaire eky'ekibi, olwo mube engaano empyaka omuzira kizimbulukusa nga bwe muli bwenebwene. Kuba Kurisito, entaama yaife ey'Ekibinuko eky'Okubitizibwa yamala okwitibwa.

Ab'e Filippi 2:8

Ng'amaze okufuuka omuntu, yeefeebya era yaaba muwulize okutuuka ku kufa, ate okufiira ku musalaba.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 9:22

Era mu Mateeka kumpi buli kintu kitukuzibwa na musaayi, era aghazira kuyugha musaayi, tighabaagho kusoniyibwa.