Yoanne 18:4 - Baibuli Ekibono kya Katonda 2014

⁴ Yesu yamanha byonabyona ebyali bija okumutuukaku, yeesowolayo yaababuuza ati: “Muli kwagala ani?”

Yoanne 18:4 ပူးပေါင်းရင်းမြစ်များ

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

Nehemia 6:11

Aye nze naamwiramu nti: “Omuntu ng'oti ninze nsobola ntya okulumukagho ni neegisa? Era nsobola ntya okuja mu isinzizo olw'okuwonia obulamu bwange? Busa, ekyo tiidha kukikola.”

Zabbuli 27:3

Ni bweririba eigye nga n'erinzingiiza okuunumba, tija kuwuliramu kutya naire. Abazigu bange ni bwebantanulaku olutalo, nze ndidha kuba mugumu.

Zabbuli 3:6

Tiitye lukunkumuli lwa bazigu, abagumbye okuneezungulula.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 26:2

“Mwidhi ng'ebulayo enaku ibiri Ekibinuko eky'Okubitizibwa kituuke, era Omwana w'Omuntu aidha kugheebwayo akomererwe ku musalaba.”

Matayo 26:21

Bwe baali bali kulya yaakoba ati: “Bwenebwene ka mbakobere, mulala ku imwe aidha kumpaayo.”

Matayo 26:31

Agho Yesu yaabakoba ati: “Imwe mwenamwena, obwire bwaleero, mwidha kuneegaana kuba kyaghandiikibwa kiti, ‘Ndiita omwayi, n'entaama edh'omu kisibo dhaasansaana.’

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 13:11

Yesu yali amaze okumanha aja okumulyamu olukwe, kyeyava n'akoba ati: “Imwe mutukula, waire ti mwenamwena.”

Yoanne 18:5

Baamwiramu bati: “Yesu ow'e Nazarethi.” Yesu yaabairamu ati: “Ninze.” Yuda eyamulyamu olukwe yali ayemereire agho nabo.

Yoanne 18:7

Kabiri yaababuuza ati: “Muli kwagala ani?” Era bairamu bati: “Yesu ow'e Nazarethi.”

Yoanne 19:28

Ebyo bwe byawa, Yesu ng'akiidhi bukalamu ng'ebintu byonabyona biwoire, era olw'okwenda okutuukiriza Ebyaghandiikibwa yaakoba ati: “Mpulira endiwo.”

Yoanne 6:64

Aye abandi ku imwe timwikiriza.” Kuba okuviira irala mu kwinhama Yesu yali aidhi abaali tibaikiriza, n'eyali aja okumulyamu olukwe.

Ebikolwa by'Abatume 2:28

Wandhegeresa engira edh'obulamu, ndisangaala nga nkuli mu maiso.’

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.