Yoanne 18:32 - Baibuli Ekibono kya Katonda 2014

³² Yesu kye yayogera ku kufa kwe kyatuukirira.

Yoanne 18:32 ပူးပေါင်းရင်းမြစ်များ

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Matayo 20:19

Era balimughaayo mu bamaghanga agandi, baamukiina, baamukuba enkoba, baamukomerera ni ku musalaba aye ku lunaku olwokusatu alizuukira.”

Matayo 26:2

“Mwidhi ng'ebulayo enaku ibiri Ekibinuko eky'Okubitizibwa kituuke, era Omwana w'Omuntu aidha kugheebwayo akomererwe ku musalaba.”

Mariko 10:33

“Mwetegereze, buti tuli kuja e Yerusalemu, Omwana w'Omuntu aidha kugheebwayo ye Bakabona Abakulu ni y'Abanamateeka. Abo baidha kumughaayo eri abamaghanga agandi,

Yoanne 10:31

Agho Abayudaaya kabiri baalonda amabaale bagamukube.

Yoanne 10:33

Baamwiramu bati: “Tituli kwenda kukukuba mabaale lwa birungi by'okola, aye lwa kuvuma Katonda! Iwe oli muntu aye weefuula Katonda!”

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 18:31

Pilato yaabakoba ati: “Mumutwale mumuwozese imwe beene nga mujiira ku mateeka gaimwe.” Abayudaaya baamwiramu bati: “Ife titwikirizibwa kusalira muntu yeenayeena gwa kufa.”

Yoanne 21:19

Yayogera atyo okwoleka okufa kw'alifa n'ayolesa ekitiisa kya Katonda. Bwe yamala okwogera ebyo, yaamukoba ati: “Nnonereza.”

Yoanne 3:14

Kale nga Musa bwe yaghanika omusota mu irungu, mu nsambo n'endala n'Omwana w'Omuntu bw'ali n'okughanikibwa

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Ebikolwa by'Abatume 7:59

Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.”

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Amateeka Agokubiri 21:23

omulambo gwe tiguusulenga ku muti okwo, aye munaaguziikanga ku lunaku olwo lwene. Kuba omulambo ogughanikiibwa ku muti ni gulengeedhera okwo guleeta ekikolimo kya Katonda ku nsi. Kale ni mulobenga kwonoona nsi Musengwa Katonda waimwe y'ali kubagha okuba obutaka bwaimwe.”