Yoanne 18:18 - Baibuli Ekibono kya Katonda 2014

¹⁸ Ebiseera byali bya kiinhogogo, kale abagheereza n'abakuumi baali bakozeegho omuliro ogw'amanda nga beemereire agho bali kwota. Petero yeena yali ayemereire nabo agho ng'ali kwota.

Yoanne 18:18 ပူးပေါင်းရင်းမြစ်များ

Amainhama 49:6

Tiryeyimba nabo mu ntegeka dhaibwe edh'okukola ebibi, waire okutyama nabo mu neekobaano dhaibwe; kuba mu busungu bwaibwe baita abasaadha, era mu iralu lyaibwe baatema ente ebigere.

1 Bakyabazinga 19:9

Eliya bwe yatuuka ku lusozi Sinai, yaayagaana empuku, yaasula omwo. Agho Musengwa Katonda yaayogera naye, ng'amubuuza ati: “Oli kukola ki ghano?”

Zabbuli 1:1

Wa nkabi oyo atawulirisa magezi ga babi, era atajiira ku boonooni waire okweyimba n'abo abanhooma Katonda.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Mariko 14:54

Petero yaavanga einhuma aye ng'aliku ghala, okutuukira irala mu luya lw'Omukulu wa Bakabona, era yaatyama n'abakuumi yaayota omuliro.

Mariko 14:67

Bwe yabona Petero ng'ayota omuliro, yaamulingirira, yaakoba ati: “Iwe weena wali n'Omunazarethi oyo Yesu.”

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

Yoanne 18:25

Mperaano Simoni Petero yali akaayemereire agho ng'ali kwota omuliro. Baamubuuza bati: “Iwe toli Mwegeresebwa wa musaadha oyo?” Petero yeegaana ati: “Busa, tiri.”

Yoanne 18:3

Kale Yuda yaaja mu kifo ekyo n'abaisirukale n'abakuumi abaatumibwa Bakabona Abakulu n'Abafarisaayo. Baaja nga bagemye eby'okulwanisa, amataala n'engada edhiri kwaka.

Yoanne 21:9

Bwe baatuuka ku bukalu baabona omuliro ogw'amanda nga kuliku ebyenhandha n'omugaati.

Ebikolwa by'Abatume 4:23

Petero ni Yoanne bwe baalekulwa, baaja ye banaibwe baabakobera ebyo Bakabona Abakulu n'abakulu ab'ebika bye baakoba.

1 Ab'e Korintho 15:33

Batabasubaghanga: “Emikwano emibi gyonoona empisa enkalamu.”