Yoanne 18:17 - Baibuli Ekibono kya Katonda 2014

¹⁷ Omughala eyali akuuma omulyango yaakoba Petero ati: “Iwe toli Mwegeresebwa wa musaadha ole?” Petero yaamwiramu ati: “Busa, tiri.”

Yoanne 18:17 ပူးပေါင်းရင်းမြစ်များ

Matayo 26:33

Petero yaamwiramu ati: “Waire abandi boonaboona banaakwegaana, nze tiidha kukwegaana naire.”

Luka 22:54

Agho baamugema baamutwala mu ndhu y'Omukulu wa Bakabona. Era Petero yaabanonereza, aye ng'aliku ghala.

Yoanne 18:16

Aye Petero yasigala ku luya ku mulyango. Omwegeresebwa ole owundi eyali amanhiibwa yairayo ku mulyango yaayogera n'omugheereza omughala eyali akuuma omulyango, era yaingiza Petero.

Yoanne 18:25

Mperaano Simoni Petero yali akaayemereire agho ng'ali kwota omuliro. Baamubuuza bati: “Iwe toli Mwegeresebwa wa musaadha oyo?” Petero yeegaana ati: “Busa, tiri.”

Yoanne 18:5

Baamwiramu bati: “Yesu ow'e Nazarethi.” Yesu yaabairamu ati: “Ninze.” Yuda eyamulyamu olukwe yali ayemereire agho nabo.

Yoanne 18:8

Yesu yaabakoba ati: “Mbakobeire nti ninze, era oba nga ninze ye muli kwagala bano mubaleke baje.”

Yoanne 21:15

Bwe baamala okulya, Yesu yaakoba Simoni Petero ati: “Simoni mutabane wa Yoanne, ongonza okusinga bano?” Petero yaamwiramu ati: “Yii, Musengwa oidhi nga bwe nkugonza.” Yesu yaamukoba ati: “Liisanga entaama dhange ento.”

Ebikolwa by'Abatume 12:13

Petero bwe yakonkona ku lwigi olw'oku mulyango ogw'oku luya, omwiru omukazi eriina lye Rooda yaidha abone akonkona.