Yoanne 18:12 - Baibuli Ekibono kya Katonda 2014

¹² Agho abaisirukale, n'omukulu waibwe, n'abakuumi b'Abayudaaya baagema Yesu baamusiba.

Yoanne 18:12 ပူးပေါင်းရင်းမြစ်များ

Amainhama 22:9

Bwe baatuuka mu kifo Katonda kye yali amaze okumukoberaku, Aburahamu yaazimba agho alutaari, yaayaliiraku enku. Agho yaasiba omwana we Isaaka yaamuta ku nku ku alutaari.

Amainhama 40:3

Yaabasibira mu ikomera, mu ndhu y'omukulu w'abaisirukale abakuumi b'ekisaagaati kya kyabazinga, mu kifo kyene ekyo Yosefu mwe yasibirwa.

Zabbuli 118:27

Musengwa Katonda ni Katonda, yatukolera ebirungi kamaala. Aleeni mutoolere ekibinuko nga mugemye ensaga, nga mukaadha okutuukira irala ku alutaari.

Matayo 26:57

Abo abaagema Yesu, baamutwala ewa Kayafa Omukulu wa Bakabona, eyeesolokeza Abanamateeka n'abakulu ab'ebika.

Matayo 27:2

Agho baamusiba baamutwala era baamughaayo ew'omufuzi Pilato.

Matayo 27:27

Agho abaisirukale ab'omufuzi oyo baatwala Yesu munda mu kisaagaati ekyetebwa Puraetorio, era eigye lyonalyona lyesololeza gh'ali.

Mariko 14:53

Agho baatwala Yesu ew'Omukulu wa Bakabona. Agho Bakabona Abakulu, n'abakulu ab'ebika, n'Abanamateeka boonaboona beesoloza.

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Luka 22:54

Agho baamugema baamutwala mu ndhu y'Omukulu wa Bakabona. Era Petero yaabanonereza, aye ng'aliku ghala.

Yoanne 18:3

Kale Yuda yaaja mu kifo ekyo n'abaisirukale n'abakuumi abaatumibwa Bakabona Abakulu n'Abafarisaayo. Baaja nga bagemye eby'okulwanisa, amataala n'engada edhiri kwaka.

Ebikolwa by'Abatume 10:1

Mu Kaisaria mwalimu omusaadha eriina lye nga ni Korunelio, eyali omwisirukale omukulu ow'ekikunsu eky'eigye ekyali kyetebwa Italike.

Ebikolwa by'Abatume 21:31

Bwe baali basala amagezi okumwita, amawulire gatuuka ku mukulu w'abaisirukale gati Yerusalemu kyonakyona kitabangwike.

Ebikolwa by'Abatume 21:37

Paulo bwe yali ng'ali kumpi okwingizibwa mu nkambi, yaakoba omukulu w'abaisirukale ati: “Nsaba kwogeraku n'iwe.” Omukulu w'abaisirukale yaamubuuza ati: “Oidhi Olugureki?

Ebikolwa by'Abatume 23:10

Okusoola bwe kweyongera okuba okw'amaani, omukulu ow'abaisirukale yaatya ati Paulo baidha kumukutulamu. Agho ni n'okulagira abaisirukale baje batooleyo Paulo mu bantu lwa maani, bamutwale mu nkambi.

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.