Yoanne 18:1 - Baibuli Ekibono kya Katonda 2014

¹ Yesu bwe yamala okwogera ebyo, yaaja n'Abeegeresebwa be, baasomoka akaiga ka Kiduroni. Eyo yaliyo enimiro mwe yangira n'Abeegeresebwa be.

Yoanne 18:1 ပူးပေါင်းရင်းမြစ်များ

Amainhama 2:15

Musengwa Katonda yaatoola omuntu, yaamuta mu nimiro ey'e Edeni, agirimenga era agirabirirenga.

Amainhama 3:23

Kale Musengwa Katonda yaamutoola mu nimiro ey'e Edeni, alimenga eitaka mwe yakolebwa,

2 Samueli 15:23

Abantu boonaboona baalira nga bawowoola, nga kyabazinga Daudi n'abantu be yaja nabo bali kubita. Kyabazinga n'abantu boonaboona be yali nabo, baaja baasomoka akaiga Kiduroni, beeyongerayo nga boolekeire eirungu.

1 Bakyabazinga 15:13

Era yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yali n'ekifaananie ekyenhinhalwa ekyasinzibwanga eky'omusambwa omukazi Ashera. Asa yaatemagho ekifaananie ekyo, yaakyokera ku kaiga Kiduroni.

1 Bakyabazinga 2:37

Kimanhe bumanhe nti k'olivaayo n'osomoka akaiga Kiduroni, oliitibwa bwitibwe. Era oliba nga niiwe mwene weereeteire okufa.”

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 15:16

Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 29:16

Ate bakabona baingira mu kisenge eky'omunda mu isinzizo, baakirongoosa. Baatoolayo ebyo byonabyona bye baayagaanayo ebitali birongoofu, baabireeta mu luya olw'eisinzizo. Abalevi baabifulumya kuliya, baabitwala baabisuula mu kaiga Kiduroni.

2 Ebyomubyanda 30:14

Baasitukiramu, baatoolagho alutaari dhoonadhoona edhaali mu Yerusalemu, edhaagheerwangaku emisengo n'okuniokezebwangaku obubbaani, baadhisuula mu kaiga Kiduroni.

Nehemia 2:15

Era obwire obwo naaja naabita mu kiiko nga bweneekebeedha ekimante ekyo. Bwe namala, naakyuka naira einhuma, naingirira mu Mulyango ogw'omu Kiiko, nairayo mu kibuga.

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Abalevi 2:6

Ole ali kugheereza ekigheebwayo ekyo anaamegulanga mu migaati egyo ebitundutundu, yaagifukaku omuzigo, yaagighaayo ng'ekyo n'ekigheebwayo eky'emere ey'empeke.

Matayo 26:30

Era bwe baamala okwemba olwembo baafuluma baaja ku Lusozi olw'Emiti Emyoliva.

Matayo 26:36

Agho Yesu yaatuuka nabo mu kifo ekyetebwa Gethisemane, era yaakoba Abeegeresebwa ati: “Imwe mutyame ghano, nze njenga ere nsabe.”

Mariko 14:26

Era bwe baamala okwemba olwembo baasituka, baaja ku Lusozi olw'Emiti Emyoliva.

Mariko 14:32

Agho baatuuka mu kifo ekyetebwa Gethisemane era Yesu yaakoba Abeegeresebwa be ati: “Mutyame ghano, nze nga nsaba.”

Mariko 14:42

Musituke tuje, anampaayo ali kumpi.”

Yoanne 14:31

Aye nkola nga Lata bw'andagira, ensi emanhe nga ngonza Lata. Musituke tuje, tuve ghano.”

Yoanne 18:26

Omugheereza owundi ow'Omukulu wa Bakabona nga wa kika n'ole Petero ye yasalaku kutu yaakoba ati: “Tyakuboine naye mu nimiro?”

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”