Yoanne 17:24 - Baibuli Ekibono kya Katonda 2014

²⁴ Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 17:24 ပူးပေါင်းရင်းမြစ်များ

Amainhama 45:13

Mukobere lata wange ekitiisa kyange kyonakyona kye ndi nakyo ghano mu Misiri, era ni byonabyona bye muboine. Mwangugheku, muleete lata wange ghano.”

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

Matayo 25:23

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya musengwa wo.’

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Matayo 26:29

Ka mbakobere: tiriirayo kunhwa ku kibala kino eky'omuzabbibu, okutuusa ku lunaku olwo lwe ndikinhwa n'imwe nga kiyaaka mu Bwakyabazinga bwa Lata wange.”

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 23:43

Yesu yaamukoba ati: “Bwenebwene ka nkukobere: Olwa leero oidha kuba ninze mu kifo eky'okwesiima.”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 14:3

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Yoanne 15:9

Nga Lata bw'angonza, zeena bwe mbagonza. Mwekalangulire mu mukwano gwange.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 17:22

Ekitiisa kye wampa nakibagha memale olwo babe ekitole, nga ife bwe tuli ekitole.

Yoanne 17:5

Era mperaano Lata, yoleka ekitiisa kyange mu maiso go, n'ekitiisa kye nali nakyo n'iwe ng'ensi ekaali kubaagho.

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoanne 6:39

Era kino, eyantuma ky'ayenda: ku be yampa ndobe kufiirwaku waire mulala aye mbazuukize ku lunaku olusembayo.

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

1 Ab'e Korintho 13:12

Mperaano tubonera mu mbonerwamu, twaloba kubona bukalamu. Aye ku lule tulibonagana maiso ku maiso. Mperaano ndidhiku kitundu butundu, aye ku lule ndimanhira irala mu bwidhuvu, era oti ni Katonda bw'andidhi.

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

2 Ab'e Korintho 5:8

Tuli bagumu era kasinga tulekayo okuba mu mubiri guno aye twaba ni Musengwa.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

1 Ab'e Thessalonika 4:17

memale ife abalamu, abaliba bakaasigairegho twatwalibwa ghalala nabo mu bire okwagaanana ni Musengwa mu ibbanga. Era olwo tubenga eyo ni Musengwa buliidho.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Yoanne 3:2

Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.

Okwolekebwa 21:22

Mu kibuga ekyo tyabonamu isinzizo, kuba Musengwa Katonda Aghanga Ebintu Byonabyona aghalala n'Entaama Ento, abo nga n'eisinzizo lyakyo.

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.