Yoanne 17:17 - Baibuli Ekibono kya Katonda 2014

¹⁷ Batukuze n'amazima ekibono kyo n'amazima.

Yoanne 17:17 ပူးပေါင်းရင်းမြစ်များ

2 Samueli 7:28

“Wo Musengwa Katonda wange, niiwe Katonda, otuukiriza buli ky'okoba, era niiwe osuubiiza nze omugheereza wo ebintu ebyo ebirungi.

Zabbuli 119:104

Mu mateeka go nfunamu okutegeera, kyenva ni nkyagha empisa edh'obuguya dhoonadhoona.

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 119:144

By'okoba byonabyona bituufu, biziramu kwekubira ebyanda n'ebyanda; mpa okubitegeeranga nsobole okuba omulamu.

Zabbuli 119:160

Ekibono kyo n'amazima geene, n'ensala yo yoonayoona ntuufu eziramu kwekubira ebyanda n'ebyanda.

Zabbuli 119:9

Omwisuka asobola atya okukuuma obulamu bwe nga butereevu? Kasita aba nga yeekuuma, n'ajiira ku kibono ky'okoba.

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Luka 8:11

“Mperaano olufumo lutegeeza kino: Ensigo, n'ekibono kya Katonda.

Luka 8:15

Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Yoanne 15:3

“Imwe mperaano muli balongoofu olw'ebibono bye mbakoba.

Yoanne 17:19

Nze neeghaayo ku lwaibwe, memale boona beegheeyo mu mazima.

Yoanne 8:32

Mulimanha amazima era amazima galibafuula ab'eidembe.”

Yoanne 8:40

Nze mbakobera ebituufu bye nawulira okuva eri Katonda. Aye mperaano musala magezi ga kundhita. Aburahamu takolangaku kintu ng'oti n'ekyo!

Ebikolwa by'Abatume 15:9

Tiyataagho ndhawulo ghagati waife nabo, kuba yayamula emyoyo gyaibwe na kwikiriza.

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Ab'Efeso 5:26

Yaakitukuza ng'akinaaza n'amaadhi n'ekibono,

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.