Yoanne 17:11 - Baibuli Ekibono kya Katonda 2014

¹¹ Nze ndi kwidha y'oli, tikaali mu nsi, aye abo bakaali mu nsi. Lata Omutukuvu, abo be wampa bakuumenga ng'okozesa obukumu obw'eriina lyo eryo, babe kitole oti ninze n'iwe bwe tuli.

Yoanne 17:11 ပူးပေါင်းရင်းမြစ်များ

Zabbuli 79:9

Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 27:3

Nze mwene ndirabirira, naalifukirira amaadhi buli kaseera. Era ndikuuma omusana n'obwire ghalobe kubaagho ekirituukaku okulyonoona.

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Yeremia 14:21

Idhukira bye watusuubiza olobe kutusuula bw'ere. Otaswaza Yerusalemu ekifo eky'ekitiisa ekibaamu ekityamo kyo eky'obwakyabazinga. Otamenhagho ndagaano ye wakola n'ife.

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:44

Imwe abantu b'eighanga Isiraeli, ku lw'eriina lyange bwe ndibabisa obukalamu mu kifo eky'okubabisa obubi nga njiira ku bikolwa byaimwe ebikyamu ni ku mpisa dhaimwe embi, olwo mulimanha nga ninze Musengwa Katonda.”

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 5:48

Kale ni, imwe mubenga batukuvu nga Iseimwe ow'omu igulu bw'ali omutukuvu.

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 13:3

Yesu yali akiidhi nga Lata yata ebintu byonabyona mu buyinza bwe era yali akiidhi nga yava ye Katonda era ng'ali kuja ye Katonda.

Yoanne 14:20

Olunaku olwo bwe lulituuka mulimanha nga mba mu Lata wange, imwe mwaba mu nze, ate nze naaba mu imwe.

Yoanne 16:28

Nava ewa Lata naidha mu nsi kabiri ndi kuva mu nsi nja ye Lata.”

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Yoanne 17:23

Nze mbabeemu weena obe mu nze memale olwo babeere irala ekitole, n'ensi emanhe nga niiwe owantuma era ng'obagonza nga bw'ongonza.

Yoanne 17:25

Lata Omutukuvu, ensi tekumanhanga aye nze nkwidhi era bano baidhi nga niiwe owantuma.

Yoanne 17:6

“Abo be wampa okuva mu nsi nabamanhisa eriina lyo. Baali babo, waabampa era baagema ebibono byo.

Yoanne 7:33

Yesu yaakoba ati: “Ndidha kubaaku n'imwe entangama ntonotono memale nje y'oyo eyantuma.

Ebikolwa by'Abatume 3:21

Waire nga kimugwaniire oyo buti okuba ng'akaali mu igulu okutuusa ekiseera eky'okwiza byonabyona obuyaaka nga Katonda bwe yayogerera mu balanzi be abatuukirivu okuviira irala mu mainhama.

Ab'e Roma 12:5

Twena abaikiriza tutyo bwe tuli. Tuli kamaala, aye tuli mubiri mulala mu Kurisito, era tuyimbibwa ghalala ng'ebitundu eby'omubiri omulala.

Ab'e Roma 9:17

Ebyaghandiikibwa bikoba Farao biti: “Nakufuula omukulu, mu iwe obukumu bwange bwolekebwe era eriina lyange limanhibwe mu nsi yoonayoona.”

1 Ab'e Korintho 1:10

Aboluganda, mbeeghembye mu liina lya Musengwa waife Yesu Kurisito mwisanie, mulobe kweyawulayawulamu aye mube kitole mu kulowooza ni mu kukola.

Ab'e Galatia 3:28

Mperaano ghazira ati ono Muyudaaya ate ole Mugureki, ono mwiru ate ole yeetaaya, oba ati ono musaadha ate ole mukazi kuba mwenamwena mwafuuka muntu mulala mu Kurisito Yesu.

Ab'Efeso 4:4

Omubiri guli mulala, ni Mwoyo mulala, ng'era ekisuubizo kye mwayeterwa bwekiri ekirala.

Ab'e Filippi 2:9

Katonda kyeyava n'amugha ekitiisa ekya ghaigulu, era n'amugha eriina erisinga amaina goonagoona.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”