Yoanne 16:20 - Baibuli Ekibono kya Katonda 2014

²⁰ Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Yoanne 16:20 ပူးပေါင်းရင်းမြစ်များ

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 97:11

Obutangaavu bwakira abatuufu, n'eisanhu lyaidhira abo abagondera ebiragiro bya Katonda.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 31:25

Ndiizaamu amaani abo abakooye, era naigusa emere abo boonaboona abaanafugha olw'endhala.

Matayo 21:38

Aye olwabona omwana, nga beekoba bati, ‘Ono n'omusika, mukole tumwite obusika bube bwaife.’

Matayo 5:4

Ba nkabi abagegenga, kuba balyesiima.

Mariko 14:72

Mangu ago enkoko yaakolyoka omukuzi ogwokubiri. Era Petero yaidhukira ekyo Yesu kye yamukoba ati: “Enkoko enaaba ng'ekaali kukolyoka mikuzi ebiri, oidha kuba ng'oneegaine emikuzi esatu.” Agho yaagwa mu maziga yaalira.

Mariko 16:10

Oyo n'eyaja n'akobera abo abaabanga naye, abaali banakughaire era nga balira.

Luka 22:45

Bwe yamala okusaba, yaasituka yaira y'Abeegeresebwa be yaabaagaana nga batendwike olw'enaku eyabali mu mwoyo,

Luka 22:62

Petero yaafuluma yaalira inho.

Luka 23:27

Eikuukuubira ery'abantu lyaja nga limunonereza omwali n'abakazi abaajanga nga balira bwe bagegenga.

Luka 24:17

Yaababuuza ati: “Bibono ki ebyo bye muli kwogeraku nga mutambula?” Baayemerera nga badhuunie.

Luka 24:21

Ate ife ni twali tumwesunga tuti n'ow'okununula Isiraeli, aye wuuno luno lwakusatu kasookanga bino bibaagho.

Luka 6:21

Muli ba nkabi abayala buti, kuba muliigusibwa. Muli ba nkabi abagegenga buti, kuba mulisangaala.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Yoanne 16:6

Era olw'okuba mbakobeire ebintu ebyo, enaku ebaidhwire ku mwoyo.

Yoanne 20:20

Bwe yamala okubakoba atyo yaabooleka obwala bwe n'embavu dhe. Abeegeresebwa be baasangaala bwe baabona Musengwa.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

1 Ab'e Thessalonika 1:6

Era n'imwe bwemwebisanga nga mubonera ku ife ni ku Musengwa, kuba waire mwadaazibwadaazibwa inho olw'ekibono, mwakiikiriza n'eisanhu eriva mu Mwoyo Mutukuvu.

Yakobo 1:2

Aboluganda, bwe mutuukibwangaku ebizibu ebya buli nsambo, musangaalenga.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’