Yoanne 16:14 - Baibuli Ekibono kya Katonda 2014

¹⁴ Alyoleka ekitiisa kyange kuba alitoola ebyange yaabibakobera.

Yoanne 16:14 ပူးပေါင်းရင်းမြစ်များ

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Yoanne 15:26

“Aye Omubeezi bw'aliidha ye ndibatumira okuva eri Lata, Mwoyo ow'amazima ava mu Lata, oyo alindhulira.

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

1 Ab'e Korintho 12:3

Kale nhenda mukimanhe nga ghazira muntu ayogera ng'ali ni Mwoyo wa Katonda, n'akoba ati: “Yesu akolimirwe!” Era ghazira asobola kukoba ati: “Yesu ni Musengwa,” okutoolaku ng'ali ni Mwoyo Mutukuvu.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 5:5

Aye ife nga tubita mu Mwoyo olw'okwikiriza, tuteegerera nga tuli n'eisuubi ery'okugheebwa obutuukirivu;

1 Petero 2:7

Kyava n'aba ow'omughendo einho ye imwe abamwikiriza, aye y'abo abatamwikiriza, ebyaghandiikibwa bikoba biti: “Eibaale abazimbi lye baasuula bati lizira mugaso, n'eryafuuka empango ey'omusingi mu nsonda.”

1 Yoanne 3:23

Ekiragiro kye ni kino: Okwikiriza Eriina ly'Omwana we Yesu Kurisito era n'okugonzania nga bwe yatulagira.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

1 Yoanne 5:6

Yesu Kurisito ono n'eyaidhira mu maadhi era ni mu musaayi. Tiyaidhira mu maadhi gonka aye mu maadhi era ni mu musaayi. Mwoyo amughaaku obudhulizi, kuba Mwoyo n'amazima.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.