Yoanne 15:7 - Baibuli Ekibono kya Katonda 2014

⁷ Bwe muba mu nze n'ebibono byange ni biba mu imwe, musabenga kyonakyona kye mwenda kinaabakolerwanga.

Yoanne 15:7 ပူးပေါင်းရင်းမြစ်များ

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Yobu 22:26

Olwo Katonda Aghanga Ebintu Byonabyona aidha kukugha okusangaala einho, era omulingirire nga ghazira ky'otya.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 37:4

Eisanhu lyo lyagalire mu Musengwa Katonda, aidha kukugha omwoyo gwo bye gwenda.

Ensambo 10:24

Omubi ekintu ky'atya kija kumutuukaku, aye omutuufu ky'ayenda baja kukimugha.

Ensambo 4:4

omuzaire wange yandhegeresanga ati: “Idhukiranga bye nkukoba, era otabyerabiranga. Bw'onaagemanga bye nkulagira oidha kubanga mulamu.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Matayo 7:7

“Musabe muligheebwa mwagale mulizuula mukonkone ku lwigi muliigulirwagho.

Yoanne 14:13

Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 16:23

Olunaku olwo bwe lulituuka timulimbuuza kintu kyonakyona. Bwenebwene ka mbakobere: Lata alibagha kyonakyona kye mulisaba mu liina lyange.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Yoanne 8:37

Ndidhi muli ku lulyo lwa Aburahamu. Aye musala amagezi okundhita olw'okuba timwikiriza kibono kyange.

Ab'e Galatia 4:2

kuba aba mu mikono gya bakuza na basigire okutuusa ekiseera lata we kye yataagho.

Ab'e Galatia 5:16

Kino ni kye nkoba, muleke obulamu bwaimwe bufugibwe Mwoyo, mulobe kugondera kwegomba kwa mubiri.

Amateeka Agokubiri 6:6

Muteerabirangaku waire ekirala ku biragiro bino bye ndi kubagha olwaleero.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

1 Yoanne 2:14

Mbaghandiikira, baana bange kuba mwidhi Lata. Mbaghandiikira imwe abasaadha abakulu kuba mwidhi oyo eyaligho okuviira irala ku kwinhama. Mbaghandiikira imwe abaisuka kuba muli ba maani, ekibono kya Katonda, kiba mu imwe ate mughangwire omubi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.

1 Yoanne 5:14

Ekitugumya nga tuli mu maiso ge ni kino nti kiisi kye tumusaba kasita kiba mu kwenda kwe, atuwulira.