Yoanne 15:25 - Baibuli Ekibono kya Katonda 2014

²⁵ Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Yoanne 15:25 ပူးပေါင်းရင်းမြစ်များ

Zabbuli 109:3

Buli kiseera bandhogeraku eby'obukyayi, ate nga baanumbagana bya bwereere.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 35:19

Abo abeefuula abazigu bange aghazira nsonga ntuufu, otabaganha kusagamba lwa kugwa kwange, era abo abankyagha nga ghazira kye mbakoze, otabaikiriza kunhiira maiso gaibwe kunsekerera.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

2 Ab'e Korintho 11:7

Bwe nabakobera Amawulire Amalungi aga Katonda tyabasasuza kintu kyonakyona. Neefeebya imwe mugheebwe ekifo ekya ghaigulu. Ekyo nakola kibi?

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

2 Ab'e Thessalonika 3:8

Era titwakozesa kintu kya muntu yeenayeena nga titukisasuliire. Aye twakolanga inho obutagheera, era twafubanga omusana n'obwire tulobe kuzitoogherera muntu yeenayeena ku imwe.

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

Ab'e Roma 3:24

Aye olw'ekisa kya Katonda, baagheebwa obutuukirivu ng'ekirabo mu Kurisito Yesu eyabanunula.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Yoanne 10:34

Yesu yaabairamu ati: “Kyaghandiikibwa mu Mateeka gaimwe kiti, Katonda yakoba ati, ‘Muli bakatonda.’

Yoanne 19:36

Kuba ebintu bino byabaagho okutuukiriza Ebyaghandiikibwa ebikoba biti: “Talimenhebwa igumba.”

Matayo 10:8

Abalwaire mubawonianga, abafu mubazuukizanga, abali n'endwaire ey'ebigenge mubalongoosanga, emizimu emibi mugibinganga. Mwafuna kya busa mwena mukigheerenga busa.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’