Yoanne 15:21 - Baibuli Ekibono kya Katonda 2014

²¹ Aye balibakola bino byonabyona ku lwange, kuba tibaidhi oyo eyantuma.

Yoanne 15:21 ပူးပေါင်းရင်းမြစ်များ

Zabbuli 69:7

Ku lulwo abantu banvuma, era tikaayala na mu bantu.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Matayo 10:39

Oyo agezaaku okuwonia obulamu bwe abufiirwa, ate oyo afiirwa obulamu bwe olw'okuba nze abuwonia.

Matayo 24:9

“Mu biseera ebyo balibagema baabaghaayo okudaazibwadaazibwa, n'okwitibwa. Abamaghanga agandi boonaboona balibakyagha nga babalanga nze.

Matayo 5:11

“Muli ba nkabi bwe banaabavumanga, ni babakiriga, era ni baboogeraku buli kibi kyonakyona olw'okuba nze, nga basubagha.

Mariko 13:13

Abantu boonaboona balibakyagha olw'eriina lyange. Aye aliguma okutuuka ku nkomerero n'alirokolebwa.

Luka 21:12

Aye ng'ebyo byonabyona bikaali kubaagho, balibagema baabadaazadaaza, baabaghaayo mu mikono gya ab'obuyinza mu sinagoga ni mu makomera, baabaseeghayo ye bakyabazinga ni y'abafuzi abandi, ku lwange.

Luka 21:17

Abantu boonaboona balibakyagha ku lw'eriina lyange.

Luka 6:22

“Muli ba nkabi abantu bwe banaabakyaghanga, bwe banaabeeyawulangaku, bwe banaabavumanga, bwe baneenhinhalanga eriina lyaimwe bati ibi, nga babalanga Omwana ow'Omuntu.

Yoanne 15:24

Nguli tyakola byewuunhio nga babona, omuntu owundi by'atakolangaku, nguli bazira kibi. Aye mperaano baabibona, era baatukyagha twembi nze ni Lata wange.

Yoanne 16:3

Ebintu bino balibikola olw'okuba tibamanhanga Lata waire nze.

Yoanne 17:25

Lata Omutukuvu, ensi tekumanhanga aye nze nkwidhi era bano baidhi nga niiwe owantuma.

Yoanne 8:19

Agho baamubuuza bati: “Lata wo ali gha?” Yesu yaabairamu ati: “Nze timundidhi waire Lata wange, kuba nguli mundidhi ni Lata wange mwandibaire mumwidhi.”

Yoanne 8:54

Yesu yaabairamu ati: “Bwe neetaamu ekitiisa mwene, ekitiisa ekyo tikibaamu muzindo. Lata wange n'antaamu ekitiisa, imwe ye mwogeraku nga Katonda waimwe.

Yoanne 8:55

Timumumanhangaku aye nze mwidhi. Bwe nkoba nti timwidhi mba muguya ng'oti niimwe aye mmwidhi era ngema by'akoba.

Ebikolwa by'Abatume 17:23

kuba bwe mbaire nga ntambulatambula mu kibuga kyaimwe, naabona ebintu bye musinza era naayagaana alutaari eyaghandiikibwaku eti, ‘Ya katonda atamanhiibwa.’ Oyo ye musinza nga timumwidhi, n'oyo nze ye mbakobera.

Ebikolwa by'Abatume 26:9

“Nze mwene nadhuubanga nti nteekwa okukola kyonakyona kye mpanga okukiriga eriina lya Yesu Omunazarethi.

Ebikolwa by'Abatume 3:17

“Kale aboluganda, ndidhi nga imwe n'abafuzi baimwe ekyo mwakikola mu butamanha.

Ebikolwa by'Abatume 4:17

Aye tomanha bwe bakisansaania mu bantu bandi. Ka tubatiise nga bukaali balobe kwiramu kwogera na muntu yeenayeena mu liina eryo.”

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ebikolwa by'Abatume 9:14

era ni ghano ng'ali n'obuyinza obumugheereibwa Bakabona Abakulu ageme abo abakusinza.”

Ebikolwa by'Abatume 9:16

Era ndimwoleka nga bw'aja okudaagadaaga einho ku lwange.”

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

1 Ab'e Korintho 2:8

Ghazira naire ku bafuzi ab'ensi eyakimanha, kuba nguli baali bakiidhi, tibandikomereire Musengwa ow'ekitiisa.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

1 Yoanne 3:1

Mubone Lata nga bwe yatugonza, ife okwetebwa abaana ba Katonda! Ate nga era kye tuli. Ensi kyeva n'etatumanha lwa kuba yeena tiyamumanha.

3 Yoanne 1:7

kuba ku lw'Eriina lye baasituka baaja nga tibaganha kintu kyonakyona ekiva ku batali baikiriza.

Okwolekebwa 2:3

Ndidhi ng'oguminkiriza, waagumira ebizibu olw'eriina lyange, waaloba kuwaamu maani.