Yoanne 14:13 - Baibuli Ekibono kya Katonda 2014

¹³ Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana.

Yoanne 14:13 ပူးပေါင်းရင်းမြစ်များ

Matayo 21:22

Era byonabyona bye munaasabanga, nga muli n'okwikiriza, mwidha kubifunanga.”

Matayo 7:7

“Musabe muligheebwa mwagale mulizuula mukonkone ku lwigi muliigulirwagho.

Mariko 11:24

Kale ka mbakobere, buli kye musaba nga mweghemba Katonda, mwikirize muti mukifunie, era timuliroba kukifuna!

Luka 11:9

“Kale nze mbakobera: Musabe muligheebwa mwagale mulizuula mukonkone ku lwigi muliigulirwagho.

Yoanne 10:30

Nze ni Lata tuli muntu mulala.”

Yoanne 12:44

Yesu yaayogerera ghaigulu ati: “Oyo andhikiriza taikiriza nze, aye aikiriza n'oyo eyantuma,

Yoanne 13:31

Yuda bwe yamala okufuluma, Yesu yaakoba ati: “Mperaano Omwana w'Omuntu agheereibwa ekitiisa era mu oyo Katonda agheereibwa ekitiisa.

Yoanne 14:14

Bwe munaasabanga ekintu kyonakyona mu liina lyange, ndikikola.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 15:7

Bwe muba mu nze n'ebibono byange ni biba mu imwe, musabenga kyonakyona kye mwenda kinaabakolerwanga.

Yoanne 16:23

Olunaku olwo bwe lulituuka timulimbuuza kintu kyonakyona. Bwenebwene ka mbakobere: Lata alibagha kyonakyona kye mulisaba mu liina lyange.

Yoanne 16:26

Ku lunaku olwo mulimusaba mu liina lyange. Era tibakoba nti ndibasabiragho ye Lata.

Yoanne 16:7

Aye mbakobera amazima: niimwe abaganhulwa bwe nja kuba bwe ntaja Omubeezi taliidha ye muli aye bwe ndija ndimubagheereza.

Yoanne 4:10

Yesu yaamukoba ati: “Nguli oidhi ekirabo Katonda ky'agha, n'omanha n'oyo ali kukusaba amaadhi okunhwa, wandimusabye yaakugha amaadhi agagha obulamu.”

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

1 Ab'e Korintho 14:13

Agho ni, oyo ayogera mu nnimi, asabenga Katonda amughenga n'ekirabo eky'okudhivuunula,

Ab'Efeso 2:18

Twenatwena tubita mu mwene nga tuli mu Mwoyo mulala, twaghanga okutuuka ye Lata.

Ab'Efeso 3:12

Nga tubita mu Kurisito oyo, olw'okumwikiriza, tuguma twaseeta ye Katonda nga titutya.

Ab'Efeso 3:14

Kyenva ni nkuba amakiryaivu mu maiso ga Lata,

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.

1 Yoanne 5:14

Ekitugumya nga tuli mu maiso ge ni kino nti kiisi kye tumusaba kasita kiba mu kwenda kwe, atuwulira.