Yoanne 14:12 - Baibuli Ekibono kya Katonda 2014

¹² Bwenebwene ka mbakobere: andhikiriza alikola bye nkola ate alikola n'ebisinga agho, kuba nze ndi kuja ye Lata.

Yoanne 14:12 ပူးပေါင်းရင်းမြစ်များ

Matayo 21:21

Yesu yaabairamu ati: “Bwenebwene ka mbakobere, bwe muba n'okwikiriza, nga timubuusabuusa, timulikola ekyo ekikoleibwa ku mutiini kyonka, aye ni bwe mulikoba olusozi luno muti, ‘Va ghano weesuule mu nhandha,’ kityo bwe kiriba.

Mariko 11:13

Agho bwe yalengera omuti omutiini nga guliku amakaba, yaaja ghe guli abone oba ng'ayagaanaku akantu. Aye yaja okugutuukaku nga kuzira kantu, okutoolaku amakaba gonka kuba ebiseera tibyali bya mitiini.

Mariko 16:17

“Abaikiriza baliba n'obumanhiso buno: mu liina lyange balibinga emizimu, balyogera mu nnimi dhe batayegangaku,

Yoanne 14:28

Muwuliire bwe mbakobye nti ndi kuja, aye ndi kwira ye muli. Nguli mubaire mungonza mwandibaire basangaavu olw'okuba ndi kuja ye Lata. Kuba oyo asinga nze.

Yoanne 16:7

Aye mbakobera amazima: niimwe abaganhulwa bwe nja kuba bwe ntaja Omubeezi taliidha ye muli aye bwe ndija ndimubagheereza.

Yoanne 4:37

Agho ni ensambo eno ntuufu ekoba eti, ‘Owundi asimba owundi yaakungula.’

Yoanne 5:20

kuba Lata agonza Omwana era amulaga byonabyona by'akola. Era aidha kumulaga n'ebisinga n'agho mwasaamirire n'okwasaamirira.

Yoanne 7:33

Yesu yaakoba ati: “Ndidha kubaaku n'imwe entangama ntonotono memale nje y'oyo eyantuma.

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

Ebikolwa by'Abatume 10:46

Baabawulira nga boogera mu nnimi era nga basaaka ekitiisa kya Katonda. Agho Petero yaakoba ati:

Ebikolwa by'Abatume 16:18

Kino yakikola okumala enaku kamaala. Aye kino kyanhiiza Paulo, yaakyuka yaakoba omuzimu omubi ogwo ati: “Mu liina lya Yesu Kurisito nkulagira muveeku.” Mangu ago omuzimu gwamuvaaku.

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 4:16

Baakoba bati: “Abantu bano tubakolere ki? Kuba bwenebwene ekyewuunhio ekyaga agho bakikoze, n'ab'omu Yerusalemu boonaboona bakiboine, era ekyo titusobola kukiroba.

Ebikolwa by'Abatume 4:33

Abatume baakakasa okuzuukira kwa Musengwa Yesu n'amaani mangi, ni Katonda yaabagha boonaboona enkabi kamaala.

Ebikolwa by'Abatume 4:4

Aye abantu kamaala ku baawulira ebibono ebyayegeresebwa baikiriza. Omughendo ogw'abasaadha gwali ng'enkumi itaanu (5,000).

Ebikolwa by'Abatume 5:15

Baaleetanga abalwaire ku nguudo abali ku ndiri ni ku mikeeka, bwe kiba nga kisoboka ekinsense kya Petero bw'aba ng'abita, kibatuukeku.

Ebikolwa by'Abatume 6:7

Ekibono kya Katonda kyayongera okusansaana, abeegeresebwa beeyongera obungi mu Yerusalemu, ni bakabona kamaala baikiriza.

Ebikolwa by'Abatume 8:7

Kuba emizimu emibi gyava ku bantu kamaala nga gyasiikanira ghaigulu, era abagongobavu n'abalema kamaala baawonezebwa.

Ebikolwa by'Abatume 9:34

Petero yaamukoba ati: “Ayenea, Yesu Kurisito akuwonia. Situka ogoloze obuliri bwo.” Mangu ago, Ayenea yaasituka.

Ebikolwa by'Abatume 9:40

Petero yaabafulumya ku luya boonaboona, yaakuba amakiryaivu yaasaba era yaakyukira omulambo yaakoba ati: “Tabitha, situka.” Agho Tabitha yaazibula amaiso, era bwe yabona Petero, yaatyama.

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.