Yoanne 14:10 - Baibuli Ekibono kya Katonda 2014

¹⁰ Toikiriza nga nze mba mu Lata era ni Lata yaaba mu nze? Ebibono bye mbakoba tibibakoba ku bwange, aye Lata oyo aba mu nze mwene n'akola.

Yoanne 14:10 ပူးပေါင်းရင်းမြစ်များ

Yoanne 10:30

Nze ni Lata tuli muntu mulala.”

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 11:26

era kiisi mulamu andhikiriza taja kufa. Bino obiikiriza?”

Yoanne 12:49

Kuba tyayogeranga ku bwange aye Lata eyantuma n'eyampa eby'okwogera n'eby'okukoba.

Yoanne 14:11

Mwikirize kye mbakoba nti: nze mba mu Lata era ni Lata yaaba mu nze. Oba ng'ekyo tikimala mwikirize olw'ebyo bye nkola.

Yoanne 14:20

Olunaku olwo bwe lulituuka mulimanha nga mba mu Lata wange, imwe mwaba mu nze, ate nze naaba mu imwe.

Yoanne 14:24

Oyo atangonza tagema bibono byange. Ate ng'ekibono kye muwulira ti kyange aye kya Lata eyantuma.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 5:17

Aye Yesu yaabakoba ati: “Lata wange akaakola, era zeena nkola.”

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 7:16

Yesu yaabairamu ati: “Bye ndhegeresa ti byange aye by'oyo eyantuma.

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Yoanne 8:38

Nze ndhogera ku ebyo Lata by'andaga ate imwe mukola ebyo lata waimwe by'abakoba.”

Yoanne 8:40

Nze mbakobera ebituufu bye nawulira okuva eri Katonda. Aye mperaano musala magezi ga kundhita. Aburahamu takolangaku kintu ng'oti n'ekyo!

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

2 Ab'e Korintho 5:19

Kye tukoba ni kino nti Katonda yaleetera abantu boonaboona okwisania naye ng'abita mu Kurisito, nga tababalira bibi bye baakola naire. Era twena yatugemya obukwenda obubaleetera okwisania naye.

Ab'e Kolosai 1:19

Kuba Katonda mwene yasiima mu kwenda kwe Obwakatonda bwe bube mu oyo mu bwidhuvu,

Ab'e Kolosai 2:9

Kuba mu Kurisito n'omuli Obwakatonda bwonabwona mu buntu,

1 Yoanne 5:7

Abadhulizi bali basatu: