Yoanne 13:8 - Baibuli Ekibono kya Katonda 2014

⁸ Petero yairamu ati: “Tikiribaagho iwe okunaaza nze ebigere!” Aye Yesu yaamukoba ati: “Bwe ntakunaaza ng'olwo tokaali mwegeresebwa wange.”

Yoanne 13:8 ပူးပေါင်းရင်းမြစ်များ

Amainhama 42:38

Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Matayo 16:22

Agho Petero yaamwiza gha mbali yaamukoba ati: “Musengwa tokoba otyo, Katonda agwana ayambe ebyo birobe kukutuukaku.”

Matayo 21:29

Omwana yaamwiramu ati, ‘Tiije.’ Aye olumaliira yeenenia yaaja.

Matayo 26:33

Petero yaamwiramu ati: “Waire abandi boonaboona banaakwegaana, nze tiidha kukwegaana naire.”

Matayo 26:35

Petero yaamukoba ati: “Ni bwe kiba nga kyetaagisa nze okufa n'iwe, tiidha kukwegaana naire.” Era n'Abeegeresebwa boonaboona baakoba batyo.

Yoanne 13:6

Bwe yatuuka ku Simoni Petero, Petero yaamukoba ati: “Musengwa, oja kunaaza nze bigere?”

Yoanne 13:9

Simoni Petero yaamwiramu ati: “Musengwa niini otaannaaza bigere byonka, aye nnaaza n'emikono era n'omutwe!”

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'Efeso 5:26

Yaakitukuza ng'akinaaza n'amaadhi n'ekibono,

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.

Ab'e Kolosai 2:23

Kituufu mu biragiro oti n'ebyo mubonekera okubaamu amagezi, kuba bikaka omuntu okusinza n'okwewooya, n'okwebonereza mu mubiri. Aye bizira muganhulo mu kufuga omubiri mu kwegomba kwagwo.

Tito 3:5

twalokolwa. Nga ti lwa bikolwa byaife ebikalamu bye twakola aye lwa kusaasira kwe. Yatulokola nga tunaazibwa, twazaalibwa omukuzi ogwokubiri, era twafuuka bayaaka mu Mwoyo Mutukuvu.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.