Yoanne 13:5 - Baibuli Ekibono kya Katonda 2014

⁵ Agho yaafuka amaadhi mu benseni, yaatoolera okunaaza Abeegeresebwa be ebigere nga bw'abisiimuula n'etawulo ye yali yeesibye mu nkende.

Yoanne 13:5 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

Amainhama 19:2

yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

Amainhama 43:24

Omugheereza yaatwala aboluganda abo mu ndhu ya Yosefu, yaabagha amaadhi baanaabaku ku bigere, era yaagha endogoyi dhaibwe eby'okulya.

2 Bakyabazinga 3:11

Yehoshafati kyabazinga wa Buyudaaya yaabuuza ati: “Ghano ghaziraghooku mulanzi wa Musengwa Katonda, ye tusobola okubitamu ni twebuuzaaku ku Musengwa Katonda?” Agho owundi ku bagheereza ba kyabazinga wa Isiraeli yairamu ati: “Elisha mutabane wa Shafati eyali omugheereza wa Eliya, aligho ghano.”

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Okuvaayo 29:4

Agho oleete Aaroni ni batabane gha mulyango ogw'Eweema ey'Okwagaananirangamu ni Musengwa Katonda, obanaaze n'amaadhi.

Isaia 1:16

Munaabe, mutukule mukomye agho bye mukola nga mbona, ebitali bya butuukirivu. Mulekere agho okukolanga ebibi,

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Luka 7:44

Yaakyuka yaalingirira omukazi, yaakoba Simoni ati: “Obona omukazi ono? Nhingiire mu ndhu yo, tompaire maadhi ga kunaaba bigere. Aye ono aboziiza ebigere byange n'amaziga ge era yaabisiimuula n'enviiri dhe.

Yoanne 13:10

Aye Yesu yaamukoba ati: “Omuntu yeenayeena bw'aba ng'amaze okunaaba aba yeenayeena atukwire era nga tiyeetaaga kabiri kunaaba, okutoolaku ebigere byonka era imwe mutukula, waire ti mwenamwena.”

Yoanne 13:6

Bwe yatuuka ku Simoni Petero, Petero yaamukoba ati: “Musengwa, oja kunaaza nze bigere?”

Yoanne 13:8

Petero yairamu ati: “Tikiribaagho iwe okunaaza nze ebigere!” Aye Yesu yaamukoba ati: “Bwe ntakunaaza ng'olwo tokaali mwegeresebwa wange.”

Yoanne 19:34

Aye omwisirukale owundi yaatoola eifumo yaalifumita Yesu mu mbavu, era olwamufumita ati ghaavaagho omusaayi n'amaadhi.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'Efeso 5:26

Yaakitukuza ng'akinaaza n'amaadhi n'ekibono,

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 5:6

Yesu Kurisito ono n'eyaidhira mu maadhi era ni mu musaayi. Tiyaidhira mu maadhi gonka aye mu maadhi era ni mu musaayi. Mwoyo amughaaku obudhulizi, kuba Mwoyo n'amazima.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

Abalamuzi 19:21

Agho yaabaingiza mu ndhu ye, yaagha endogoyi eby'okulya. Ni beene baanaaba ebigere, baalya era baanhwa.

1 Samueli 25:41

Abigaili yaakuba amakiryaivu, yaakutama n'ekyeni kyatuuka ku itaka, yaakoba ati: “Nze ndi mugheereza mukazi agwaine obw'okunaaza ebigere eby'abagheereza ba musengwa wange oyo!”