Yoanne 13:34 - Baibuli Ekibono kya Katonda 2014

³⁴ Mbagha ekiragiro ekiyaaka: Mugonzanienga. Nga nze bwe nabagonza, mwena mugonzanienga mutyo.

Yoanne 13:34 ပူးပေါင်းရင်းမြစ်များ

Zabbuli 119:63

Abo boonaboona abakutya n'ababa bakagwa bange, abo boonaboona abajiira ku mateeka go.

Zabbuli 16:3

Abatuukirivu abali mu nsi balungi inho ebitaloodheka, era mbeesiimisa.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Abalevi 19:34

Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Matayo 5:44

Aye nze mbakoba nti: Mugonzanga abazigu baimwe, era musabiranga abo ababakiriga.

Yoanne 15:17

Kino kye mbalagira: mugonzanienga.”

Yoanne 17:21

Boonaboona babe kitole, nga iwe Lata bw'oba mu nze zeena ni mba mu iwe, boona babe mu ife memale ensi eikirize eti niiwe owantuma.

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 13:10

Kiisi agonza muntu mwine tamukola kibi. Kale okugonza kye kuva ni kuba okutuukiriza Amateeka.

Ab'e Roma 13:8

Timubanga na ibandha lya muntu yeenayeena okutoolaku ery'okugonza, kuba kiisi agonza muntu mwine aba atuukiriiza Amateeka.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'e Galatia 6:10

Agho ni buli lwe tunaafunanga akaghagaanhia, tugwaine tukolerenga abantu boonaboona ebirungi n'okusingira irala abo be tuli nabo mu kika ekirala mu kwikiriza.

Ab'e Galatia 6:2

Buli muntu ayambenga mwine, olwo mube nga mutuukiriiza eiteeka lya Kurisito.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'e Kolosai 1:4

kuba twawulira okwikiriza kwe muli nakwo mu Kurisito Yesu, n'okugonza kwe mugonzaamu abatuukirivu boonaboona

1 Ab'e Thessalonika 3:12

Era Musengwa abongeremu okugonzanianga beene na beene, n'okugonzanga abantu boonaboona oti niife bwe tubagonza.

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

Abaheburayi 13:1

Mujenga mu maiso n'okugonzania ng'aboluganda mu Kurisito.

Yakobo 2:8

Muba mukoze bukalamu bwe mutuukiriza eiteeka lino eikulu, nga bwe kyaghandiikibwa kiti: “Ogonzanga muntu mwino ng'oti ni bwe weegonza mwene.”

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

2 Petero 1:7

ku kutya Katonda mwongereku okugonzania ng'aboluganda ku kugonzania ng'aboluganda mwongereku okugonza abantu boonaboona.

1 Yoanne 3:11

Kino kye mwawulira okuviira irala ku kwinhama nti tuli n'okugonzania.

1 Yoanne 3:23

Ekiragiro kye ni kino: Okwikiriza Eriina ly'Omwana we Yesu Kurisito era n'okugonzania nga bwe yatulagira.

1 Yoanne 4:21

Era Kurisito yatugha ekiragiro kino ati: Kiisi agonza Katonda ateekwa okugonzanga ni muganda we yeena.

2 Yoanne 1:5

Ka nkusabe, omukyala omulonde, nga tiri kukughandiikira kiragiro kiyaaka, aye ekyo kye twali nakyo okuviira irala mu kwinhama nti: Tugonzanienga.