Yoanne 13:22 - Baibuli Ekibono kya Katonda 2014

²² Abeegeresebwa be baalingaganaku, nga beewuunhia naani ye yali ali kwogeraku.

Yoanne 13:22 ပူးပေါင်းရင်းမြစ်များ

Amainhama 42:1

Agho Yakobo bweyamanha nga mu Misiri eriyo engaano, yaakoba batabane ati: “Lwaki mwira obwa agho okulingaganaku?

Matayo 26:21

Bwe baali bali kulya yaakoba ati: “Bwenebwene ka mbakobere, mulala ku imwe aidha kumpaayo.”

Matayo 26:22

Abeegeresebwa baanakughala inho, era baatoolera okumukoba mulala mulala bati: “Musengwa, otakoba oti ninze?”

Mariko 14:18

Agho bwe baali bali ku kiiwulo nga balya, Yesu yaakoba ati: “Bwenebwene ka mbakobere nti mulala ku imwe, bwe tuli ghano ku kiiwulo aidha kumpaayo.”

Mariko 14:19

Abeegeresebwa baanakughala era baamubuuza mulala mulala bati: “Ni nze?”

Luka 22:21

Aye kale mubone, oyo ow'okundyamu olukwe ali ninze ghano ku kiiwulo!

Luka 22:23

Agho baatoolera okwebuuzagania naani ku beene aghanga okukola ekyo.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 13:21

Yesu bwe yamala okwogera ebyo yaawulira obweraliikirivu mu mwoyo. Agho yaakakasa ati: “Bwenebwene ka mbakobere: ku imwe ghaligho anandyamu olukwe.”