Yoanne 13:18 - Baibuli Ekibono kya Katonda 2014

¹⁸ “Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 13:18 ပူးပေါင်းရင်းမြစ်များ

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Matayo 10:36

Era abazigu b'omuntu banaabanga ba mu ndhu beene.

Matayo 26:21

Bwe baali bali kulya yaakoba ati: “Bwenebwene ka mbakobere, mulala ku imwe aidha kumpaayo.”

Matayo 26:23

Yesu yaabairamu ati: “Oyo akoza ninze mu kibya, oyo n'aidha okumpaayo.

Mariko 14:17

Eiguloigulo yaatuuka n'Eikumi n'Ababiri.

Mariko 14:18

Agho bwe baali bali ku kiiwulo nga balya, Yesu yaakoba ati: “Bwenebwene ka mbakobere nti mulala ku imwe, bwe tuli ghano ku kiiwulo aidha kumpaayo.”

Mariko 14:20

Yesu yaabakoba ati: “Mulala ku imwe Eikumi n'Ababiri ali kukoza ninze mu kibya.

Luka 22:21

Aye kale mubone, oyo ow'okundyamu olukwe ali ninze ghano ku kiiwulo!

Yoanne 13:21

Yesu bwe yamala okwogera ebyo yaawulira obweraliikirivu mu mwoyo. Agho yaakakasa ati: “Bwenebwene ka mbakobere: ku imwe ghaligho anandyamu olukwe.”

Yoanne 13:22

Abeegeresebwa be baalingaganaku, nga beewuunhia naani ye yali ali kwogeraku.

Yoanne 13:26

Yesu yaamwiramu ati: “N'oyo ye nja okukoleza ekitole kino nkimughe.” Kale bwe yamala okukoza ekitole yaakigha Yuda mutabane wa Simoni Isikarioti.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 15:19

Nguli muli ba nsi, ensi yandibagonziiza ng'abaayo. Aye nabalonda okuva mu nsi era timukaali ba nsi, ensi ky'eva n'ebakyagha.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Yoanne 17:12

“Bwe nali nga ndi nabo, nali nga mbakuuma nga nkozesa obukumu bw'eriina lyo lye wampa. Nabakuuma era ghazira yaghaba okutoolaku oyo eyali ow'okuzikirira, Ebyaghandiikibwa bisobole okutuukirira.

Yoanne 18:32

Yesu kye yayogera ku kufa kwe kyatuukirira.

Yoanne 19:24

Abaisirukale baakoba bati: “Tutagikanula aye tugikubeku akalulu tubone anaaba mwene yo.” Era baisania. Kino kyabaagho era okutuukiriza Ebyaghandiikibwa ebikoba biti: “Baagabana ebivaalo byange, era baakuba akalulu ku kidhuuba kyange.” Era ekyo abaisirukale kye baakola.

Yoanne 19:36

Kuba ebintu bino byabaagho okutuukiriza Ebyaghandiikibwa ebikoba biti: “Talimenhebwa igumba.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Yoanne 6:70

Yesu yairamu ati: “Ti ninze eyabalonda imwe Eikumi n'Ababiri? Ate owundi ku imwe Sitaani!”

Ebikolwa by'Abatume 1:16

“Baganda bange, ekyaghandiikibwa, Mwoyo Mutukuvu kye yayogeza Daudi ku Yuda, eyakulemberamu abo abaagema Yesu, kigwaine okutuukirizibwa.

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

2 Ab'e Korintho 4:5

Ife titweyogeraku beene aye tukobera abantu tuti Yesu Kurisito ni Musengwa, era nga ife tuli bagheereza baimwe olwa Yesu.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.