Yoanne 13:14 - Baibuli Ekibono kya Katonda 2014

¹⁴ Kale oba nga nze Musengwa era Omwegeresa waimwe mbanaaziiza ebigere, mwena muli n'okunaazaganianga ebigere.

Yoanne 13:14 ပူးပေါင်းရင်းမြစ်များ

Yoanne 11:2

Maria ono n'eyasiiga ebigere bya Musengwa omuzigo ogwa kawoowo n'abisiimuuza enviiri dhe, era n'eyali mwanhina Lazaro eyali omulwaire.

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 12:16

Mwisanienga mwenamwena. Muteekudumbazanga aye mubitenga n'abaghafu. Mulobe kwetwalanga ng'abagezi.

1 Ab'e Korintho 12:3

Kale nhenda mukimanhe nga ghazira muntu ayogera ng'ali ni Mwoyo wa Katonda, n'akoba ati: “Yesu akolimirwe!” Era ghazira asobola kukoba ati: “Yesu ni Musengwa,” okutoolaku ng'ali ni Mwoyo Mutukuvu.

1 Ab'e Korintho 8:13

Kale oba nga eby'okulya bireetera muganda wange okugwa mu kibi, tiireyo kubirya ndobe kuleetera muganda wange kugwa.

2 Ab'e Korintho 10:1

Ninze Paulo mwene, abandi mu imwe ye bakoba okuba omugonvu nga ndi n'imwe, aye abakambughalira nga tiri n'imwe. Olw'obuguminkiriza n'obwikaikamu bwa Kurisito,

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'e Filippi 2:11

Era kiisi lulimi lwatule luti: Yesu Kurisito ni Musengwa. Olwo Katonda era Lata agheebwe ekitiisa.”

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”