Yoanne 13:10 - Baibuli Ekibono kya Katonda 2014

¹⁰ Aye Yesu yaamukoba ati: “Omuntu yeenayeena bw'aba ng'amaze okunaaba aba yeenayeena atukwire era nga tiyeetaaga kabiri kunaaba, okutoolaku ebigere byonka era imwe mutukula, waire ti mwenamwena.”

Yoanne 13:10 ပူးပေါင်းရင်းမြစ်များ

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Olwembo 4:7

Omugonzi wange, oboneka bulungi weenaweena! Oziraku kakyamu naire.

Yeremia 50:20

Ekiseera ekyo bwe kirituuka, tighaliba kwonoona mu Isiraeli, waire okubaagho ebibi mu Buyudaaya kuba ndisonigha abantu boonaboona be ndiba mponiizaagho. Nze Musengwa Katonda, ninze nkobye.”

Abalevi 16:26

Oyo asindiikiriza embuzi mu irungu eri Azazeli, anaayozanga ebivaalo bye era yaanaaba omubiri mu maadhi, memale yaira mu kifo omuba abantu.

Abalevi 16:28

Oyo abyokya anaayozanga ebivaalo bye, yaanaaba omubiri mu maadhi, memale yaira mu kifo omuba abantu.

Matayo 6:12

Tusonighe ebibi byaife, nga bwe tusonigha abatukola ebibi.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 13:9

Simoni Petero yaamwiramu ati: “Musengwa niini otaannaaza bigere byonka, aye nnaaza n'emikono era n'omutwe!”

Yoanne 15:3

“Imwe mperaano muli balongoofu olw'ebibono bye mbakoba.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.