Yoanne 12:40 - Baibuli Ekibono kya Katonda 2014

⁴⁰ “Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Yoanne 12:40 ပူးပေါင်းရင်းမြစ်များ

1 Bakyabazinga 22:20

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 41:4

Nze naakoba nti: “Wo Musengwa Katonda idha ondhune, ndidhi nga nayona, naakusungughaza, aye mala gamponia.”

Zabbuli 6:2

Wo Musengwa Katonda, idha ondhune, gampweire, mponia ebiinuma, nsigaire magumba meereere.

Okuvaayo 10:1

Agho Musengwa Katonda yaakoba Musa ati: “Ja ongire mu kisaagaati kya kyabazinga, kuba nkalangwisa omwoyo gwe n'egy'abakungu be, balobe kutya. Olwo mbakolemu ebyewuunhio babibone,

Okuvaayo 11:10

Musa ni Aaroni baakola ebyewuunhio bino byonabyona nga kyabazinga abona. Aye Musengwa Katonda yaaleetera kyabazinga oyo okukalanguka omwoyo, yaaloba kutya era yaaloba kuleka Baisiraeli kuva mu nsi ye.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 14:8

Musengwa Katonda yaakalangusa omwoyo gwa kyabazinga ow'e Misiri yaaloba kutya, yaatoolera okubinga ng'ayenda okugema Abaisiraeli abaali bali kutambula nga ghazira kye batya.

Okuvaayo 4:21

Era Musengwa Katonda yaakoba Musa ati: “Bw'otuuka e Misiri bona nti okolera mu maiso ga kyabazinga ebyewuunhio byonabyona nga bwendi kukugha obukumu okubikola, aye nja kukalangusa omwoyo gwe alobe kutya, era alobe kuleka bantu bange kuvaayo.

Okuvaayo 7:13

Aye era omwoyo gwa kyabazinga gwasigala nga mukalangufu, yaaloba kutya era yaaloba kuwulira nga Musengwa Katonda bweyakoba.

Okuvaayo 7:3

Aye nja kukalangusa omwoyo gwe alobe kutya, waire nga ndikola obumanhiso n'ebyewuunhio emikuzi egigheraku mu Misiri.

Okuvaayo 9:12

Aye era Musengwa Katonda yaaleetera kyabazinga okukalanguka omwoyo, yaaloba kutya era yaaloba kuwulira nga Musengwa Katonda bweyali amaze okukobera Musa.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Isaia 6:9

Yankoba ati: “Ja okobe abantu abo oti, ‘Okuwulira muliwulira, aye timuja kutegeera naire, n'okubona mulibona, aye timuja kwekalirisa naire.’ ”

Yeremia 3:22

Musengwa Katonda akoba nti: ‘Imwe abatali beesigwa, mwire ye ndi, ndidha kubawonia mbafuule beesigwa.’ Ate imwe mukoba muti: ‘Bona eno, twidhie y'oli, kuba niiwe Musengwa Katonda waife.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Mariko 4:12

olwo babe, ng'okumoga bamoga aye nga tibabona, n'okuwulira baawulira aye nga tibategeera; kuba bandibaire bakyuka baasoniyibwa ebibi byaibwe.”

Mariko 6:52

kuba n'eky'emigaati baali tibakitegeire olw'obukalangufu obw'emyoyo gyaibwe.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Luka 8:10

Yaakoba ati: “Imwe mwagheebwa okumanha ebyama eby'Obwakyabazinga bwa Katonda aye eri abandi biri mu nfumo, baabona nga tibabona, baawulira nga tibategeera.”

Yoanne 12:39

Kale nga tibasobola kwikiriza, kuba era Isaia yakoba ati:

Yoanne 9:39

Era Yesu yaakoba ati: “Ekyandeeta mu nsi n'okusala omusango, abatulu babone ate ababona bafuuke batulu.”

Ebikolwa by'Abatume 15:3

Agho ab'Ekikunsu eky'Abaikiriza mu Kurisito bwe baamala okubatuma, bano baabita mu Foenikia ni mu Samaria nga baja bainhonhola okukyuka kw'abamaghanga agandi ni baikiriza. Era kino kyasangaaza inho aboluganda.

Ebikolwa by'Abatume 28:26

Ja y'abantu bano obakobe oti: ‘Bwenebwene muliwulira, aye timulitegeera. Bwenebwene mulibona, aye nga timubona.

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.

Ab'e Roma 9:18

Kale ni Katonda asaasira oyo y'aba ayenze okusaasira era yaakalangusa omwoyo gw'oyo y'aba ayenze okukalangusa.

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.