Yoanne 12:34 - Baibuli Ekibono kya Katonda 2014

³⁴ Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Yoanne 12:34 ပူးပေါင်းရင်းမြစ်များ

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

Zabbuli 110:4

Musengwa Katonda yalayira era talyeidhusa: “Iwe oli Kabona ebyanda n'ebyanda ng'oti ni Melekizedeki bwe yali.”

Zabbuli 72:7

Abantu abatuufu beeyongerenga okwala mu nnaku dhe, abantu babenga mu miraala okutuusa omwezi lwe guliwaagho.

Isaia 53:8

Baamutoolagho, baamutwala okumusalira omusango mu kusaliriza. Ghazira yalowooza ku buzaale bwe, aye yaitibwa bwitibwe yaatoolebwa mu nsi ey'abalamu. Ekyo kyamutuukaku olw'ebibi by'abantu baife.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Mika 4:7

Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”

Matayo 16:13

Agho Yesu bwe yatuuka mu biketezo bya Kaisaria Filippi, yaabuuza Abeegeresebwa be ati: “Omwana w'Omuntu abantu bamweta batya?”

Matayo 21:10

Bwe yangira mu Yerusalemu, ekibuga kyonakyona kyasaatira, eno nga bwe bakoba bati: “Naani oyo!”

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Yoanne 10:34

Yesu yaabairamu ati: “Kyaghandiikibwa mu Mateeka gaimwe kiti, Katonda yakoba ati, ‘Muli bakatonda.’

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Ab'e Roma 5:18

Kale ng'ekibi eky'omuntu omulala bwe kyasingisa abantu boonaboona omusango, mu nsambo n'endala ekikolwa eky'obutuufu ekyakolebwa omuntu omulala, kyaleetera abantu boonaboona okutoolebwaku omusango n'okugheebwa obulamu.

Abaheburayi 7:24

Aye Yesu mulamu, taja kufa era aba kabona ebyanda n'ebyanda.