Yoanne 12:31 - Baibuli Ekibono kya Katonda 2014

³¹ Kino n'ekiseera okusalira ensi omusango, mperaano abaire afuga ensi eno aja kubingibwa.

Yoanne 12:31 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Isaia 49:24

Ghaligho asobola okulekuza ow'amaani omunhago gw'ali nagwo, oba okutoola ku mufuzi omukambwe abantu b'anhaze?

Matayo 12:28

Aye, oba nga emizimu emibi ngibinga na buyinza bwa Mwoyo wa Katonda, Obwakyabazinga bwa Katonda butuuse mu imwe.

Yoanne 14:30

Tiidha kwogera bintu kamaala n'imwe kuba omufuzi ow'ensi eno ali kwidha. Aye nze tanfuga.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Yoanne 9:39

Era Yesu yaakoba ati: “Ekyandeeta mu nsi n'okusala omusango, abatulu babone ate ababona bafuuke batulu.”

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

1 Ab'e Korintho 1:20

Kale olwo omugezi ali gha? Oba omwegerese ali gha? Oba kabwidhibwidhi ow'ensi eno mu kutakana ali gha? Katonda ayoleike ng'amagezi ag'ensi eno gaaga busiru,

1 Ab'e Korintho 1:21

kuba Katonda mu magezi ge yalemesa abantu okumumanha mu magezi gaibwe beene. Era yaasalagho okulokola abo abamwikiriza ng'abita mu kibono kye tubakobera, abandi kye beeta “obusiru”.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Ab'Efeso 6:12

kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.