Yoanne 12:26 - Baibuli Ekibono kya Katonda 2014

²⁶ Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 12:26 ပူးပေါင်းရင်းမြစ်များ

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Ensambo 27:18

Omuntu alabirira omuti omutiini alya ku bibala byagwo, n'ole alabirira musengwa we ateebwamu ekitiibwa.

Okubala 14:24

Aye olw'okuba omugheereza wange Kalebu ali n'omwoyo ogw'endhawulo, era nga aneesigira irala mu bwidhuvu, ndidha kumwingiza mu nsi ye yakeeta. Era baidhukulu be n'abaliba beene nsi eyo.

Okubala 32:11

‘Bwenebwene ghazira waire omuntu omulala ati ku bantu abaava e Misiri, abagheziiza emyaka amakumi abiri n'okusingagho, alibona ku nsi ye nalayira okugha Aburahamu, Isaaka ni Yakobo kuba abantu abo tibaaneesiga na mwoyo mulala.

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

Mariko 8:34

Agho yaayeta ekiyindi eky'abantu n'Abeegeresebwa be baaseeta gh'ali, yaabakoba ati: “Ole ayenda okuunonereza, alobe kwefaaku naire, abbeede omusalaba gwe, annonereze

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 6:46

“Lwaki mundheta Musengwa, Musengwa, ng'ate timukola bye nkoba?

Luka 9:23

Agho ni yaabakoba boonaboona ati: “Oba nga ghaligho ayenda okuba Omwegeresebwa wange, alobe kwefaaku naire, abbeede omusalaba gwe buli lunaku annonereze

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 13:16

Bwenebwene ka mbakobere: omwiru tasinga Musengwa we, era omutume tasinga oyo amutuma.

Yoanne 14:15

“Oba nga mungonza, mugemenga ebiragiro byange.

Yoanne 14:3

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Yoanne 15:20

Mwidhukire kye mbakobye: omugheereza tasinga Musengwa we. Oba nga nze bankiriga, mwena balibakiriga; oba nga baawulira ebibono byange, ebyaimwe byona balibiwulira.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 21:22

Yesu yaamwiramu ati: “Bwe nhenda abeegho okutuusa lwe ndiidha, ofaayo ki? Iwe nnonereza.”

Ab'e Roma 1:1

Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,

Ab'e Roma 14:18

Kiisi agheereza Kurisito atyo, asanhusa ni Katonda, era n'abantu bamusiima.

2 Ab'e Korintho 4:5

Ife titweyogeraku beene aye tukobera abantu tuti Yesu Kurisito ni Musengwa, era nga ife tuli bagheereza baimwe olwa Yesu.

2 Ab'e Korintho 5:8

Tuli bagumu era kasinga tulekayo okuba mu mubiri guno aye twaba ni Musengwa.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

Ab'e Kolosai 3:24

nga mwidhi muti Musengwa n'alibagha empeera, kuba Kurisito ni Musengwa ye mugheereza.

Ab'e Kolosai 4:12

Epafura, owundi ku abo ab'ewaimwe, ate era omugheereza wa Kurisito Yesu, abalamwisa. Buliidho abasabira n'omwoyo gwe gwonagwona mwekalangule ng'abantu abakulu abeekakasa mu ebyo Katonda by'ayenda.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.