Yoanne 12:23 - Baibuli Ekibono kya Katonda 2014

²³ Yesu yaabakoba ati: “Ekiseera kituuse Omwana w'Omuntu agheebwe ekitiisa.

Yoanne 12:23 ပူးပေါင်းရင်းမြစ်များ

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 26:45

Agho yaaja eri Abeegeresebwa yaabakoba ati: “Imwe buti mutenduke era muwuumule. Biwoire. Esaawa etuuse, era Omwana w'Omuntu aja kugheebwayo mu mikono egy'aboonooni.

Mariko 14:35

Bwe yeeyongerayooku katono, yaakuba amakiryaivu yaasaba ati oba kisoboka ekiseera ekyo kimubiteku.

Mariko 14:41

Yaira omukuzi ogwokusatu yaabakoba ati: “Mukaatenduka era mukaawuumula? Mulekere agho! Biwoire! Saawa etuuse, Omwana w'Omuntu aja kugheebwayo mu mikono egy'aboonooni.

Yoanne 12:16

Ebyo Abeegeresebwa tibaabimanhiragho okutuusa nga Yesu amaze okutuuka mu kitiisa kya Ise, memale agho baidhukira ng'Ebyaghandiikibwa byamwogeraku bityo, era ng'ebyo baabimukolera.

Yoanne 12:27

“Omwoyo gwange mweraliikirivu. Aye ate nkobe ntya? Nkobe nti: Lata mponia ekiseera kino? Aye ekyandeeta n'ekiseera kino okuntuukaku.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.