Yoanne 11:53 - Baibuli Ekibono kya Katonda 2014

⁵³ Okuva ni ku olwo baatanula lukwe lwa kumwita.

Yoanne 11:53 ပူးပေါင်းရင်းမြစ်များ

Amainhama 37:18

Baamulengera ng'akaali ghalaku, era bweyali ng'akaali kubatuukaku beeteesa okumwita.

Nehemia 13:21

Aye naabalabula nti: “Mulekere agho okusulanga okumpi n'ekisenge eky'ekibuga. Bwe munairayo okusulagho ndidha kubagema.” Okuva ku olwo tibairayo kwidhanga ku Sabbato.

Nehemia 4:16

Okuva olwo n'okweyongerayo, omulala ku buli bakozi bange ababiri ababiri, yaakolanga ogw'okuzimba, ate owundi yaagemanga eifumo, n'engabo, n'akalaso, era yaavaalanga n'ekivaalo eky'omu lutalo. Abakulembeze baizanga inho amaani mu Bayudaaya

Zabbuli 113:2

Musaake eriina lya Musengwa Katonda okuva ni buti, ni ye bwidha eyo ebyanda n'ebyanda.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 31:13

Bwenebwene mpulira abantu kamaala nga boogera obwama; buli ghe nninga mpulira kutya kwereere nga baneegeyaamu, era nga beekobaana okundhita.

Zabbuli 71:10

Abazigu bange bandhogeraku; abo abaguniriire okumalagho obulamu bwange baneegeyaamu,

Yeremia 38:15

Naamwiramu nti: “Isebantu kyabazinga, bwe nnaakukobera amazima oidha kundhita bwite. Era ni bwenaakugha amagezi toidha kumpulirisa.”

Yeremia 38:4

Agho abakungu baaja ye kyabazinga, baamukoba bati: “Omusaadha ono bamwite bwite, kuba ensambo y'ali kwogeramu emala mu baisirukale amaani abali mu kibuga kino, era n'abantu abandi abakaasigaire mu kibuga kino. Tali kukolerera bulungi bwa bantu bano, aye ali kubaitaitana bwitaitane.”

Matayo 12:14

Aye Abafarisaayo olwafuluma nga beekobaana kubona ngeri ya kumuzikirizaamu.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 22:46

Tighaaba amwiramu kibono, era okuva ku olwo tighaaba akana kwongera kumubuuza.

Matayo 26:4

baasala olukwe olw'okugema Yesu mu ngiso bamwite.

Matayo 26:59

Bakabona Abakulu, n'embuga yoonayoona, baanoonia obudhulizi obw'okusubaayiriza ku Yesu, kwe babe basinziire okumwita.

Mariko 14:1

Agho, yali ng'ekaabulayo enaku ibiri okutuuka ku Kibinuko eky'Okubitizibwa n'Ekibinuko eky'Emigaati Egitazimbulukusiibwa, Bakabona Abakulu n'Abanamateeka baanoonia engeri ey'okumugema mu nkukutu bamwite.

Mariko 3:6

Olwava agho ng'Abafarisaayo mangu ago bagemagana ni baine ba Herode nga beekobaana ngeri ya kuzikirizaamu Yesu.

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 12:10

Olwo Bakabona Abakulu baasala olukwe okwita ni Lazaro.

Yoanne 7:1

Ebyo bwe byawa Yesu yaasigala mu Galilaaya nga tayenda kutambulira mu Buyudaaya, kuba Abayudaaya baali banoonia kumwita.

Ebikolwa by'Abatume 5:33

Abakiise bwe baawulira kino baasungughala inho era baayenda na kubaita.

Ebikolwa by'Abatume 9:23

Enaku kamaala bwe dhaabitagho, Abayudaaya beekobaana okwita Saulo,