Yoanne 11:32 - Baibuli Ekibono kya Katonda 2014

³² Maria yaatuuka Yesu ghe yali era olwamubona ati yaakuba amakiryaivu gha bigere bye yaamukoba ati: “Musengwa, nguli wali ghano mwanhinaze tiyandifiire!”

Yoanne 11:32 ပူးပေါင်းရင်းမြစ်များ

Luka 17:16

era yaatuuka yeeyala ku itaka agho gha bigere bya Yesu nga yeeyanza. Era ono yali Musamaria.

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Luka 8:41

Olwo ni ghaidhagho omusaadha ayetebwa Yairo, eyali nga mukulu wa sinagoga. Yaakuba amakiryaivu gha bigere bya Yesu yaamusaba ajeeku mu ndhu ye.

Yoanne 11:2

Maria ono n'eyasiiga ebigere bya Musengwa omuzigo ogwa kawoowo n'abisiimuuza enviiri dhe, era n'eyali mwanhina Lazaro eyali omulwaire.

Yoanne 11:21

Maritha yaakoba Yesu ati: “Musengwa nguli wali ghano mwanhinaze tiyandifiire!

Yoanne 11:37

Aye abandi baakoba bati: “Ono eyazibula omutulu yali taghanga kulobera musaadha ono kufa?”

Yoanne 4:49

Omwami yaamukoba ati: “Musengwa, ikirira ng'omwana akaali kunfaaku.”

Okwolekebwa 22:8

Nze Yoanne, ninze eyawulira era ni mbona bino. Bwe namala okubiwulira n'okubibona, neeyala gha bigere bya malaika eyabindaga, naamusinza.

Okwolekebwa 5:14

Ebitonde ebiramu ebina (4) byakoba biti: “Amiina.” Era abakulembeze beeyala baasinza.

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.