Yoanne 11:19 - Baibuli Ekibono kya Katonda 2014

¹⁹ Era Abayudaaya kamaala baali baidhie okubona Maritha ni Maria n'okubasaasira olw'okufiirwa mwanhinaibwe.

Yoanne 11:19 ပူးပေါင်းရင်းမြစ်များ

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

2 Samueli 10:2

Daudi yaakoba mule ati: “Ndidha kulaga Hanuni mutabane wa Nahashi omukwano ogw'amazima, nga ise gwe yandaganga.” Kale Daudi yaatuma ku bagheereza be baje ye Hanuni, bamumusaasirire olw'okufiirwa ise. Agho abagheereza ba Daudi baatuuka bukalamu mu nsi ey'Abammoni.

1 Ebyomubyanda 10:12

abasaadha abaziramu ntete boonaboona baasituka, baaja baatoolayo omulambo gwa Saulo n'emirambo gya batabane be, baagireeta e Yabeshi. Baaziika amagumba gaibwe eyo e Yabeshi ghansi gh'omuti omukologho, era baasiiba okumala enaku musanvu.

Yobu 2:11

Agho bakagwa ba Yobu basatu: Elifazi Omutemani, Bilidadi Omushuhi, ni Zofari Omunaamathi, bwe baawulira ebizibu byonabyona ebyamugwaku, bonsatuli baasalagho okuja okumugumya.

Yobu 42:11

Agho baganda ba Yobu ni baanhina, ni boonaboona abaali bamwidhi baidha, baaliira ghalala naye ekiiwulo mu nnaku ye. Era baamusaasira olw'ebizibu byonabyona Musengwa Katonda bye yamutuusaaku. Buli muntu yaamugha ekitundu kya feeza n'empeta eya zaabu.

Omulangirizi 7:2

Okuja mu ndhu omuli okulira omufu, kusinga okuja omuli embaga; kuba okufa n'enkomerero ya buli muntu, era abalamu bagwaine okukirowoozangaku.

Isaia 51:19

Obuzibu bukwidhiire bwa mikuzi ebiri: olutalo lwonoineyonoine ensi yo, n'abantu bo baafa endhala n'empiima. Naani anaakusaasiraku n'anaakugumya?

Okulira 1:16

Bino bindiza, amaziga gaafukumuka okunva mu maiso; kuba ghazira asobola kunsaasiraku, ghazira asobola kundhizaamu maani. Abazigu bange bampangula era abantu bange baasigala nga bawuubaire.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Luka 10:39

Ono yali ni muganda we nga bamweta Maria. Maria oyo yaatyama agho gha bigere bya Musengwa yaawulirisa by'akoba.

Luka 10:42

aye ekyetaagisa kiri kirala, Maria n'alonze ekintu ekirungi, ekitaghanga kumutoolebwaku.”

Yoanne 1:19

Yoanne ati bwe yakakasa Abayudaaya, bwe baatuma Bakabona n'Abalevi okuva e Yerusalemu okumubuuza bati: “Niiwe ani?”

Yoanne 11:1

Ghaaligho omusaadha eyalwala nga bamweta Lazaro. Yali mu kibuga Bethania omwabanga Maria ni muganda we Maritha.

Yoanne 11:31

Abantu abaali ni Maria mu ndhu nga baidhie okumusaasira baamunonereza, bwe baabona ng'asitukiramu nga badhuuba bati yali ali kuja ku magombe kugegengera eyo.

Yoanne 11:33

Yesu yaamubona ng'ali kugegenga, n'abantu abaali bamunonereza boona nga bali kugegenga yaawulira enaku ku mwoyo era yeinhamira.

Yoanne 11:36

Abantu baakoba bati: “Mubone bw'abaire amugonza!”

Yoanne 11:45

Bangi ku Bayudaaya abaali baidhie ewa Maria, bwe baabona Yesu bye yakola baamwikiriza.

Yoanne 11:8

Abeegeresebwa baamukoba bati: “Mwegeresa, Abayudaaya baali benda kukukuba mabaale era y'oli kwenda okuja kabiri?”

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

2 Ab'e Korintho 1:4

Mu kudaagadaaga kwaife okwa buli nsambo atugumya, memale twena tughange okugumya abali mu kudaagadaaga okwa buli nsambo, nga tubagumya nga ife beene Katonda bw'atugumya.

1 Ab'e Thessalonika 4:18

Agho ni buli muntu agumye mwine n'ebibono ebyo.

1 Ab'e Thessalonika 5:11

Agho ni buli muntu agumye mwine, era buli muntu abeereku mwine nga bwemukola buti.

1 Samueli 31:13

Baatwala amagumba gaibwe, baagaziika ghansi gh'omuti omutamarisiki, era baasiiba enaku musanvu.