Yoanne 10:8 - Baibuli Ekibono kya Katonda 2014

⁸ Boonaboona abansooka okwidha baibi era banhazi, aye entaama ti dhaabawulira.

Yoanne 10:8 ပူးပေါင်းရင်းမြစ်များ

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Zekaria 11:16

kuba, bona eno, ndi kutaagho mu nsi eno omwayi w'entaama atafaayo ku edho edhiri kuzikirira, oba okwagala edho edhiri kutambulatambula eyo dhityo. Era ataidhandhaba edho edhighenhera, waire okutwala edho edhikaali enamu aghali eisubi dhirye. Aye aligho okulya obulye emamba y'edho ensavu, n'alya n'amabbonge.

Yoanne 10:1

“Bwenebwene ka mbakobere: Ole atabita mu mulyango ng'angira mu kigo ky'entaama, aye n'aniinira aghandi, oyo aba mwibi era munhazi.

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 10:5

Oyo ye dhitaidhi ti dhimunonereza, dhimulumuka kuba tidhiidhi mamiro ge.”

Ebikolwa by'Abatume 5:36

Kuba mwidhukire nga ghaaligho Theudasi eyeeyeta ow'amaani era abantu ng'ebikumi bina (400) baamweyimbaku, aye yaitibwa n'abo abaali bamunonereza baasansaana, yaazikirira.