Yoanne 10:6 - Baibuli Ekibono kya Katonda 2014

⁶ Yesu yabakobera olufumo luno, aye tibaamanha kiki kye yali ali kutegeeza.

Yoanne 10:6 ပူးပေါင်းရင်းမြစ်များ

Zabbuli 106:7

Badhaadha baife nga bakaali mu Misiri, ebyewuunhisa Musengwa Katonda bye yakolanga tibaabitwalanga ng'ekikulu; tibaidhukirangaku naire bwe yabagonzanga obutalekera. Baadheemera oyo Ali Ghaigulu Yeene, bwe baali mu Nhandha Emyufu.

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Ensambo 28:5

Ababi tibategeera kukola mazima kye kitegeeza, aye abasinza Musengwa Katonda bakitegeera bukalamu.

Isaia 56:11

Bali ng'oti mbwa edh'amairu amangi, edhitaiguta naire. Abakulembeze abo tibakaalimu kategeera, buli muntu yeefubiriire ku bibye, nga yeenooneza by'anaafunamu amagoba.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Matayo 13:34

Ebyo byonabyona Yesu yabikoberanga abantu mu nfumo, era ghazira kye yabakobera nga takozeisa lufumo.

Matayo 13:51

“Ebyo byonabyona mubitegeire?” Baamukoba bati: “Yii.”

Mariko 4:34

Tiyayogeranga nabo nga takozeisa lufumo aye bwe baasigalanga bonka ng'Abeegeresebwa be abainhonhola byonabyona.

Yoanne 16:25

“Mbairenga nkozesa ndheso okubakobera ebintu bino aye ekiseera kiidha kutuuka mbe nga tikaayogera n'imwe mu ndheso, aye mbakobere busimbalaala ebigema ku Lata.

Yoanne 16:29

Abeegeresebwa be baakoba bati: “Mperaano oboneka ni otooleire okwogera obusimbalaala nga tokozeisa ndheso.

Yoanne 6:52

Abayudaaya baatakana beene na beene nga bakoba bati: “Ono omusaadha aghanga atya okutugha omubiri gwe ife okugulya?”

Yoanne 6:60

Abeegeresebwa be kamaala bwe baawulira ebyo, baakoba bati: “Ekibono kino nga kikalangafu! Naani aghanga okukiwulirisa?”

Yoanne 7:36

Agho aba ali kukoba ki bw'akoba ati, ‘Mulindhagala aye timulimbona, nga ghe ndi timughanga kutuukagho?’ ”

Yoanne 8:27

Ti baakitegeera nga yali ali kwogera nabo ku Lata.

Yoanne 8:43

Lwaki timutegeera bye mbakoba? Lwa kuba timughanga kuwulirisa kibono kyange.

1 Ab'e Korintho 2:14

Buli ataba ni Mwoyo taghanga kufuna birabo biva ya Mwoyo wa Katonda, kuba tabitegeera era abitwala ng'obusiru, kuba bimanhibwa ni mwoyo.

2 Petero 2:22

Ebyabatuukaku byakakasa endhogera ekoba eti: “Embwa by'esesema emala yaabirya!” N'eno ekoba eti: “Bw'onaaza embiidhi, emala yaira mu bisoodo.”

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.