Yoanne 10:4 - Baibuli Ekibono kya Katonda 2014

⁴ Bw'amala okudhifulumya adhikulembereramu dhaamunonereza, kuba dhiidhi amamiro ge.

Yoanne 10:4 ပူးပေါင်းရင်းမြစ်များ

Olwembo 2:8

Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Olwembo 5:2

Nali ntendwike, aye nga omwoyo gwange guli kuwulira. Agho naawulira ng'omugonzi wange ali kukonkona ku lwigi, ng'akoba ati: “Ndhiguliraagho, mwanhinaze iwe omugonzi wange, iwe aziraku ghakyamu naire era ali ng'oti njiibwa. Omutwe gwange n'enviiri dhange biboze n'omusulo.”

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 10:3

Oyo omukuumi w'omulyango amwiguliragho. Entaama dhiwulira amamiro ge, ayeta kiisi ntaama ye eriina lyayo, yaadhifulumya.

Yoanne 10:5

Oyo ye dhitaidhi ti dhimunonereza, dhimulumuka kuba tidhiidhi mamiro ge.”

Yoanne 10:8

Boonaboona abansooka okwidha baibi era banhazi, aye entaama ti dhaabawulira.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 13:15

Kuba mbaghaire eky'okuboneraku, mwena mughange okukola nga nze bwe mbakoze.

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

1 Ab'e Korintho 11:1

Mukolenga nga nze, era nga zeena bwe nkola nga Kurisito bye yakola.

Ab'Efeso 5:1

Agho ni, nga bwe muli abaana ba Katonda abagonzi, mugezengaku okumufaanana mu bikolwa.

Amateeka Agokubiri 1:30

Musengwa Katonda waimwe abakulemberamu, n'aidha okubalwaniragho, nga bwe mwabona byonabyona bye yakolera e Misiri

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 6:20

Ku lwaife, Yesu n'eyatusooka okwingirayo era yaafuuka Omukulu wa Bakabona ow'ebyanda n'ebyanda ng'oti ni Melekizedeki bwe yali.

1 Petero 2:21

Ekyo kye mwayeterwa. Kuba Kurisito yeena yadaazibwadaazibwa ku lwaimwe, yaabalekera eky'okuboneraku kye mube mujiireku.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.