Yoanne 10:36 - Baibuli Ekibono kya Katonda 2014

³⁶ memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 10:36 ပူးပေါင်းရင်းမြစ်များ

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 42:3

Olugada oluvuniike talirukutulamu, n'olutambi olw'entaala olulikufenfeenha taliruzikiza, aye alireetera abantu okukolerwanga eby'amazima ebibagwaniire.

Isaia 55:4

Daudi oyo namufuula omukulembeze era omufuzi ow'amaghanga asingayo kuba wa ghaigulu, naakozesa oyo okwoleka ab'amaghanga obuyinza bwange.

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Matayo 27:43

Yeesiga Katonda. Mperaano amuwonie, oba nga amwenda kuba yakobanga ati Mwana wa Katonda.”

Matayo 27:54

Agho omukulu w'ekikunsu eky'abaisirukale n'abo abaali naye nga bakuuma Yesu bwe baabona musisi n'ebintu engeri ye byabaamu, baatya ekibitiriire, baakoba bati: “Bwenebwene, ono abaire Mwana wa Katonda!”

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Yoanne 10:35

Oba nga abo Katonda be yagha ekibono kye yabeeta bakatonda, ate nga Ebyaghandiikibwa tibisobola kudiba,

Yoanne 17:18

Mbatuma mu nsi ng'oti niiwe bwe wantuma mu nsi.

Yoanne 17:21

Boonaboona babe kitole, nga iwe Lata bw'oba mu nze zeena ni mba mu iwe, boona babe mu ife memale ensi eikirize eti niiwe owantuma.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoanne 19:7

Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

Yoanne 20:28

Thomasi yaamwiramu ati: “Musengwa wange era Katonda wange!”

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 3:17

Katonda tiyatuma Mwana we mu nsi kusalira bantu musango, aye abantu babite mu oyo okulokolwa.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 6:57

Nga Lata omulamu bwe yantuma nze ni mba omulamu olw'okuba oyo, mu nsambo n'endala oyo yeenayeena andya aba mulamu lwa kuba nze.

Yoanne 6:69

Twidhi era twikiriza nga niiwe Omutukuvu wa Katonda.”

Yoanne 8:42

Yesu yaabakoba ati: “Nguli Katonda n'eyali Lata waimwe mwandibaire mungonza kuba ewa Katonda ye nava naidha. Tyaidha ku bwange aye mwene n'eyantuma.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,