Yoanne 10:3 - Baibuli Ekibono kya Katonda 2014

³ Oyo omukuumi w'omulyango amwiguliragho. Entaama dhiwulira amamiro ge, ayeta kiisi ntaama ye eriina lyayo, yaadhifulumya.

Yoanne 10:3 ပူးပေါင်းရင်းမြစ်များ

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Okuvaayo 33:17

Agho Musengwa Katonda yaakoba Musa ati: “Ekyo kyenekyene ky'okobye ndidha kukikola, kuba nkwidhi bukalamu inho era nsiima by'okola.”

Ensambo 27:23

Olabiriranga bukalamu ebyayo byo, era waafangayo inho ku nsolo dho.

Olwembo 8:13

Iwe omugonzi wange aba eyo mu nimiro, banange bali kuteegerera okuwulira amamiro go. Kale ni yogeraku mpulire.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 42:16

Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.

Yoanne 10:14

Ninze omwayi omulungi. Edhange ndiidhi era dhoona dhindidhi,

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yoanne 10:4

Bw'amala okudhifulumya adhikulembereramu dhaamunonereza, kuba dhiidhi amamiro ge.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Ab'e Roma 8:30

Abo Katonda be yategeka, yabeeta, era abo be yayeta be yafuula abatuukirivu era abo be yafuula abatuukirivu, yabagha ekitiisa.

1 Ab'e Korintho 16:9

kuba nfuniire irala akaghagaanhia okukolerayo omulimo ogw'omugaso, waire nga eriyo abazigu kamaala.

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Ab'e Kolosai 4:3

Ate twena mutusabire, Katonda atusobozese okukobera abantu ekibono kye, tubamanhise ekyama ekiri mu Kurisito ekyansibisa mu ikomera.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.

3 Yoanne 1:14

Nsuubira okubabona mu ntangama ti ya ghala, era tulyogera maiso ku maiso.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”