Yoanne 10:28 - Baibuli Ekibono kya Katonda 2014

²⁸ Ndhigha obulamu obutawaagho era tidhirifa. Ghazira muntu yeenayeena asobola kudhinswankulaku.

Yoanne 10:28 ပူးပေါင်းရင်းမြစ်များ

Yobu 17:9

Aye abo abeeyeta abatuufu, beeyongera bwa kwegumya bati batuufu.

Zabbuli 31:5

Ntaire obulamu bwange mu ngalo dho, kuba onnunwire, niiwe Musengwa Katonda omwesigwa.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Ensambo 24:16

Abakola ebituufu ni bwe bagwa emikuzi kamaala gitya, bamala baasituka aye abakozi b'ebibi bazikirira buzikirire ng'akabi kabaidhiire.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Isaia 27:3

Nze mwene ndirabirira, naalifukirira amaadhi buli kaseera. Era ndikuuma omusana n'obwire ghalobe kubaagho ekirituukaku okulyonoona.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Yeremia 23:4

Ndibateeragho abakulembeze okubalabiriranga, abantu bange abo baalekera agho okutya n'okweraliikirira, era ghaaloba kubaagho waire omulala ati abula. Nze Musengwa Katonda, ninze nkobye.”

Yeremia 31:3

nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Yeremia 32:40

Ndikola nabo endagaano etaliwaagho. Tirirekeranga kubakolera birungi. Ndibaleetera okuntangamu ekitiisa n'omwoyo gwaibwe gwonagwona, babe nga tibakairayo kunvaaku.

Mariko 13:22

kuba ghaliidhagho abeeyeta Kurisito n'abeeyeta abalanzi, baakola obumanhiso n'ebyewuunhio nga benda kuwubania abalondemu bwe kiba kisoboka.

Luka 23:46

Yesu yaaleekaana ati: “Lata, nta omwoyo gwange mu ngalo dho!” Bwe yamala okwogera atyo yaisa omuuka ogusembayo.

Yoanne 10:29

Lata wange eyadhimpa n'asinga byonabyona, era ghazira asobola kudhimuswankulaku.

Yoanne 11:25

Yesu yaamukoba ati: “Ninze okuzuukira era ninze obulamu. Kiisi aikiriza nze ni bw'afa, aba mulamu

Yoanne 14:19

Esigaire akaseera katono ensi erekere okumbona aye nga imwe mumbona. Olw'okuba nze ndi mulamu, mwena mwidha kubanga balamu.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 18:9

Ekibono kye yayogera ati: “Ku be wampa ghazira ye nabuza,” kyatuukirira.

Yoanne 3:36

Oyo aikiriza Mwana ali n'obulamu obutawaagho aye aloba okwikiriza Mwana taja kufuna bulamu, era aja kusigala ng'abonerezebwa Katonda.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 6:37

Buli muntu Lata y'ampa, aliidha ye ndi ate buli aidha ye ndi tija kumubingira ku luya.

Yoanne 6:47

Bwenebwene, ka mbakobere aikiriza, ali n'obulamu obutawaagho.

Yoanne 6:68

Simoni Petero yaamwiramu ati: “Musengwa, tunaaja y'ani? Niiwe ali n'ebibono eby'obulamu obutawaagho.

Ebikolwa by'Abatume 7:59

Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.”

Ab'e Roma 5:17

Oba nga olw'ekibi eky'omuntu omulala, okufa kwaligho nga kufuga olw'omuntu oyo omulala, memale abo abafuna okusaasirwa kwa Katonda okungi einho n'ekirabo eky'obutuukirivu, tibalisingagho inho okufugira mu bulamu, olw'omuntu omulala Yesu Kurisito?

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

Ab'e Roma 5:21

Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 5:9

Mperaano nga bwe tubalibwa okuba abatuukirivu olw'okufa kwe, tuja kulokolebwa tuwone obusungu bwa Katonda

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Ab'e Roma 8:1

Kale ni abo abali mu Kurisito Yesu tibakaali na musango.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Amateeka Agokubiri 33:3

Bwenebwene agonza abantu be, era yaakuuma abo be yalondamu. Batyama gha bigere bye okuwulira ebibono bye.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

1 Timotheo 1:16

Aye Katonda yansaasira, olwo Yesu Kurisito aghange okubita mu nze, omwonooni asinga boonaboona, alage okusaasira kwe okutakoma. Era mbe eky'okuboneraku y'abo abalimwikiriza, ni bafuna obulamu obutawaagho.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Yoanne 1:2

Kuba obulamu bweyoleka era twabubona, kale tukakasa era tubakobera ku bulamu obutawaagho obwali ni Lata era ni butulagibwa.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

1 Yoanne 2:25

Era ekisuubizo kye yatusuubiza, n'obulamu obutawaagho.

1 Yoanne 5:11

Obudhulizi ni buno: Katonda yatugha obulamu obutawaagho era obulamu obwo buli mu Mwana we.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Yuda 1:21

era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.