Yoanne 10:25 - Baibuli Ekibono kya Katonda 2014

²⁵ Yesu yaabairamu ati: “Bye nkola mu liina lya Lata wange bikakasa ekyo. Nabakobera aye timwaikiriza.

Yoanne 10:25 ပူးပေါင်းရင်းမြစ်များ

Yoanne 10:32

Yesu yaabakoba ati: “Mbalaze ebirungi kamaala Lata by'ampa okukola. Ku ebyo kye muli kwenda okunkubira amabaale n'ekiri gha?”

Yoanne 10:37

Oba nga bye nkola ti n'ebyo Lata by'ayenda kale mutandhikiriza.

Yoanne 10:38

Aye oba nga n'ebyo, ni bwemutandhikiriza nze kasinga mwikirize bye nkola, memale mumanhe era mutegeere nga Lata ali mu nze era zeena ndi mu Lata.”

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 12:37

Waire yali akoze obumanhiso kamaala nga babona, tibaamwikiriza.

Yoanne 14:11

Mwikirize kye mbakoba nti: nze mba mu Lata era ni Lata yaaba mu nze. Oba ng'ekyo tikimala mwikirize olw'ebyo bye nkola.

Yoanne 20:30

Eriyo ebyewuunhio ebindi kamaala Yesu bye yakola ng'Abeegeresebwa be babona ebitaaghandiikibwa mu kitabo kino.

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 7:31

Abantu kamaala mu baali agho baamwikiriza baakoba bati: “Kurisito bw'aliidha, alikola ebyewuunhio kamaala okusinga omusaadha ono by'akoze?”

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Yoanne 8:56

Lata waimwe Aburahamu yeesumba okubona ebiseera by'okwidha kwange. Yabibona era yaasangaala.”

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.