Yoanne 10:14 - Baibuli Ekibono kya Katonda 2014

¹⁴ Ninze omwayi omulungi. Edhange ndiidhi era dhoona dhindidhi,

Yoanne 10:14 ပူးပေါင်းရင်းမြစ်များ

Zabbuli 1:6

Katonda alabirira era yaakugira abatuufu, aye ababi balizikirira.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 10:13

Alumuka kuba ayayira mpeera, era tafaayo ku ntaama.

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Ab'Efeso 3:19

Mbasabira mumanhe okugonza okwo okulemye abamanhi boonaboona okumanha, olwo mwidhulire irala Katonda.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.

Okwolekebwa 2:19

Ndidhi by'okola. Ndidhi okugonza n'okwikiriza by'oli nabyo. Ndidhi okugheereza kwo n'okuguminkiriza mu bizibu kw'oli nakwo. Era ndidhi ng'oli kukola ebintu kamaala buti okusinga bye wakolanga mu mainhama.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.

Okwolekebwa 3:1

“Ghandiikira malaika w'Ekikunsu eky'Abaikiriza mu Kurisito eky'e Sarudi, oti: oyo ali n'emyoyo omusanvu egya Katonda, n'emuunienie omusanvu, akoba ati: Ndidhi by'okola. Ndidhi ng'omanhiibwa okuba nga oli mulamu, ate ng'oli mufu.

Okwolekebwa 3:15

Ndidhi by'okola. Ndidhi nga toli mwinhogovu oba omusu, nguli ni waliku kirala ku ebyo!

Okwolekebwa 3:8

Ndidhi by'okola. Bona, nakwiguliragho olwigi mu maiso go oluzira waire mulala asobola kulwigala. Ndidhi ng'oli n'amaani matono, aye weekalanguliire ku kibono kyange waaloba kuneegaana.